15.84C Vancouver 15.84C VancouverMar 20, 2026 2:22 PM - Connect Newsroom - Ramandeep Kaur with files from The Canadian Press
ਨਿਊ ਵੈਸਟਮਿੰਸਟਰ ਦੇ ਕਵੀਂਸਬਰੋ ਇਲਾਕੇ ਵਿਚ ਪਿਛਲੇ ਸਾਲ ਹੋਈ ਚਾਕੂਮਾਰੀ ਦੀ ਘਟਨਾ ਦੇ ਸਬੰਧ ਵਿਚ ਪੁਲਿਸ ਨੇ ਲਗਭਗ ਛੇ ਮਹੀਨਿਆਂ ਦੀ ਜਾਂਚ ਤੋਂ ਬਾਅਦ 18 ਸਾਲਾ ਅਰਮਾਨ ਰਜਨੀ ਨਾਂ ਦੇ ਮੁਲਜ਼ਮ ਸਮੇਤ 4 ਨੌਜਵਾਨਾਂ ਨੂੰ ਚਾਰਜ ਕੀਤਾ ਹੈ। ਇਹ ਮਾਮਲਾ 1 ਅਗਸਤ, 2025 ਦਾ ਹੈ, ਪੁਲਿਸ ਨੂੰ ਅੱਧੀ ਰਾਤ ਦੇ ਕਰੀਬ ਈਵੇਨ ਐਵੇਨਿਊ ਦੇ 800 ਬਲੌਕ ਵਿਚ ਇੱਕ ਝਗੜੇ ਦੀ ਸੂਚਨਾ ਮਿਲੀ ਸੀ।
ਮੌਕੇ 'ਤੇ ਪਹੁੰਚੇ ਅਧਿਕਾਰੀਆਂ ਨੇ ਇੱਕ ਵਿਅਕਤੀ ਨੂੰ ਚਾਕੂ ਦੇ ਜ਼ਖਮਾਂ ਨਾਲ ਲਹੂ-ਲੁਹਾਨ ਹਾਲਤ ਵਿਚ ਪਾਇਆ ਸੀ। ਸਾਰਜੈਂਟ ਐਂਡਰਿਊ ਲੀਵਰ ਨੇ ਦੱਸਿਆ ਕਿ ਪਿਛਲੇ ਕਈ ਮਹੀਨਿਆਂ ਦੌਰਾਨ ਪੁਲਿਸ ਨੇ ਅਹਿਮ ਸਬੂਤ ਇਕੱਠੇ ਕੀਤੇ, ਜਿਸ ਦੇ ਆਧਾਰ 'ਤੇ ਇਹ ਗ੍ਰਿਫ਼ਤਾਰੀਆਂ ਸੰਭਵ ਹੋ ਸਕੀਆਂ ਹਨ।
ਅਰਮਾਨ 'ਤੇ ਲੁੱਟ, ਹਥਿਆਰ ਨਾਲ ਹਮਲਾ ਕਰਨ ਅਤੇ ਐਗੇਵੇਟਿਡ ਅਸੋਲਟ ਦੇ ਦੋਸ਼ ਲਗਾਏ ਗਏ ਹਨ। ਇਸ ਕੇਸ ਵਿਚ ਬਾਕੀ ਤਿੰਨ ਨਾਬਾਲਗ ਹਨ, ਜਿਹਨਾਂ ਦੀ ਪਛਾਣ ਜਾਰੀ ਨਹੀਂ ਕੀਤੀ ਗਈ ਪਰ ਉਨ੍ਹਾਂ 'ਤੇ ਵੀ ਬਰਾਬਰ ਦੇ ਚਾਰਜਿਜ਼ ਲਗਾਏ ਗਏ ਹਨ।
