11.79C Vancouver 11.79C VancouverNov 28, 2023 6:29 PM - The Canadian Press
ਕਿਊਬੈਕ ਵਿੱਚ 420,000 ਪਬਲਿਕ ਸੈਕਟਰ ਦੇ ਕਰਮਚਾਰੀ ਦਸੰਬਰ ਵਿੱਚ 7 ਦਿਨਾਂ ਹੜਤਾਲ 'ਤੇ ਜਾ ਰਹੇ ਹਨ, ਜਿਨ੍ਹਾਂ ਵਿੱਚ ਸਿਹਤ, ਸਿੱਖਿਆ ਅਤੇ ਸਮਾਜਿਕ ਸੇਵਾਵਾਂ ਖੇਤਰ ਦੇ ਵਰਕਰ ਸ਼ਾਮਲ ਹਨ।
ਯੂਨੀਅਨਾਂ ਦਾ ਕਹਿਣਾ ਹੈ ਕਿ ਜੇ ਸੂਬਾ ਸਰਕਾਰ ਨਾਲ ਗੱਲਬਾਤ ਕਿਸੇ ਸਿਰੇ ਨਾ ਪਹੁੰਚੀ ਤਾਂ 8 ਦਸੰਬਰ ਤੋਂ 14 ਦਸੰਬਰ ਤੱਕ ਵਰਕਰ ਹੜਤਾਲ 'ਤੇ ਜਾਣਗੇ। ਸਾਂਝਾ ਮੋਰਚਾ ਵੱਲੋਂ ਸੂਬਾ ਸਰਕਾਰ 'ਤੇ ਇਹ ਨਵਾਂ ਦਬਾਅ ਬਣਾਇਆ ਜਾ ਰਿਹਾ ਹੈ, ਇਸ ਤੋਂ ਪਹਿਲਾਂ ਉਨ੍ਹਾਂ ਵੱਲੋਂ ਪਿਛਲੇ ਹਫ਼ਤੇ ਤਿੰਨ ਦਿਨ ਦੀ ਹੜਤਾਲ ਕੀਤੀ ਗਈ ਸੀ ਜਿਸ ਕਾਰਨ ਸੂਬੇ ਵਿੱਚ ਕਈ ਸਕੂਲ ਬੰਦ ਰਹੇ ਸਨ ਅਤੇ ਮਰੀਜ਼ਾਂ ਨੂੰ ਸਿਹਤ ਸੰਭਾਲ ਵਿੱਚ ਦੇਰੀ ਦਾ ਸਾਹਮਣਾ ਕਰਨਾ ਪਿਆ ਸੀ।
ਉੱਥੇ ਹੀ ਹਜ਼ਾਰਾਂ ਐਲੀਮੈਂਟਰੀ ਤੇ ਹਾਈ ਸਕੂਲ ਦੇ ਅਧਿਆਪਕ ਅਜੇ ਵੀ ਆਮ ਹੜਤਾਲ 'ਤੇ ਬਣੇ ਹੋਏ ਹਨ। ਵਰਕਰ ਤਨਖ਼ਾਹ ਵਿੱਚ ਵਾਧੇ ਦੀ ਮੰਗ ਸਣੇ ਨਰਸਾਂ ਵਰਗੇ ਸ਼ਿਫਟ ਵਰਕਰਾਂ ਲਈ ਵਧੇਰੇ ਲਾਭ ਦੀ ਮੰਗ ਕਰ ਰਹੇ ਹਨ।
ਯੂਨੀਅਨਾਂ ਸਰਕਾਰ ਵੱਲੋਂ ਪੇਸ਼ ਪ੍ਰਸਤਾਵ ਨੂੰ ਰੱਦ ਕਰ ਚੁੱਕੀਆਂ ਹਨ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਤਿੰਨ ਸਾਲ ਦੀ ਡੀਲ ਚਾਹੁੰਦੀਆਂ ਹਨ। ਜਿਸ ਵਿੱਚ ਮਹਿੰਗਾਈ ਦਰ ਦੇ ਹਿਸਾਬ ਨਾਲ ਤਨਖਾਹਾਂ ਵਿੱਚ ਵਾਧਾ ਸ਼ਾਮਲ ਹੋਵੇ।
