10.81C Vancouver 10.81C VancouverMar 1, 2020 2:09 AM -
ਅੱਜ ਕੈਨੇਡਾ ਵਿੱਚ ਕੋਰੋਨਾਵਾਇਰਸ (ਕੋਵਿਡ 19) ਦੇ ਚਾਰ ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ, ਕਨੇਡਾ ਵਿੱਚ ਇਸ ਵਾਇਰਸ ਨਾਲ ਪੀੜਿਤ ਮਰੀਜ਼ਾਂ ਦੀ ਕੁੱਲ ਗਿਣਤੀ 20 ਹੋ ਗਈ ਹੈ।
ਅੱਜ ਸਾਹਮਣੇ ਆਏ ਚਾਰ ਮਾਮਲਿਆਂ ਵਿੱਚੋਂ ਤਿੰਨ ਗ੍ਰੇਟਰ ਟਾਰਾਂਟੋ ਏਰੀਆ ਵਿੱਚ ਹਨ ਅਤੇ ਇੱਕ ਵੈਨਕੂਵਰ ਵਿੱਚ ਹੈ।
ਇਸ ਤੋਂ ਅਲਾਵਾ ਅਮਰੀਕਾ ਵਿੱਚ ਅੱਜ ਇਸ ਵਾਇਰਸ ਕਾਰਣ ਪਹਿਲੀ ਮੌਤ ਦਾ ਐਲਾਨ ਕੀਤਾ ਗਿਆ।
ਵਾਸ਼ਿੰਗਟਨ ਸਟੇਟ ਦੇ ਸਿਹਤ ਅਧਿਕਾਰੀਆਂ ਮੁਤਾਬਿਕ ਮਾਰੇ ਗਏ ਆਦਮੀ ਦੀ ਉਮਰ 50 ਤੋਂ 60 ਸਾਲ ਵਿੱਚ ਸੀ।
ਇਸ ਖ਼ਬਰ ਤੋਂ ਬਾਅਦ ਰਾਜ ਵਿੱਚ ਐਮਰਜੰਸੀ ਘੋਸ਼ਿਤ ਕਰ ਦਿੱਤੀ ਗਈ ਹੈ।
ਟਾਰਾਂਟੋ ਇਲਾਕੇ ਦੇ ਸਿਹਤ ਅਧਿਕਾਰੀਆਂ ਮੁਤਾਬਿਕ ਤਿੰਨਾਂ ਵਿੱਚੋਂ ਇੱਕ ਮਰੀਜ਼ ਇਰਾਨ ਤੋਂ ਪੀਅਰਸਨ ਏਅਰਪੋਰਟ, ਕਤਰ ਅਤੇ ਕੋਪੇਨਹੇਗਨ ਵਿੱਚ ਟਰਾਂਸਫਰ ਤੋਂ ਬਾਅਦ ਪਹੁੰਚੀ ਸੀ ਅਤੇ ਉਸ ਨੇ ਸਫ਼ਰ ਦੌਰਾਨ ਮਾਸਕ ਨਹੀਂ ਪਹਿਨਿਆ ਸੀ।
ਅਧਿਕਾਰੀਆਂ ਵੱਲੋਂ ਪਿੱਛਲੇ ਬੁੱਧਵਾਰ ਦੀਆਂ ਫਲਾਈਟਾਂ ਏ.ਸੀ. 883, ਕਿਉ.ਆਰ. 163 ਅਤੇ ਕਿਉ.ਆਰ. 484 ਦੀਆਂ ਬਿਜ਼ਨੈੱਸ ਕਲਾਸ ਸਵਾਰੀਆਂ ਨੂੰ ਸਤਰਕ ਕੀਤਾ ਜਾ ਰਿਹਾ ਹੈ।
ਇਹ ਔਰਤ ਫਲਾਈਟ ਤੋਂ ਬਾਅਦ ਗੋ ਬੱਸ 40 ਵਿੱਚ ਵੀ ਦੁਪਹਿਰ 3.55 ਵਜੇ ਸਵਾਰ ਹੋਈ ਸੀ।
