8.12C Vancouver 8.12C VancouverFeb 20, 2020 9:51 PM -
ਜਾਪਾਨ 'ਚ ਯੋਕੋਹਾਮਾ ਸ਼ਹਿਰ ਦੇ ਕੋਲ ਸਮੁੰਦਰੀ ਪਾਣੀਆਂ 'ਚ ਕੁਆਰੰਟੀਨ, ਯਾਨੀ ਕਿ ਇਕੱਲਿਆਂ 'ਚ ਰੱਖੇ ਗਏ ਸਮੁੰਦਰੀ ਜਹਾਜ਼ ਤੋਂ ਕਨੇਡੀਅਨ ਯਾਤਰੀਆਂ ਨੂੰ ਉਤਾਰਿਆ ਗਿਆ ਹੈ, ਅਤੇ ਉਨ੍ਹਾਂ ਦੀ ਜਾਂਚ ਤੋਂ ਬਾਅਦ ਉਨ੍ਹਾਂ ਨੂੰ ਡਾਇਮੰਡ ਪ੍ਰਿੰਸੈਸ ਨਾਮ ਦੇ ਇਸ ਜਹਾਜ਼ ਤੋਂ ਉੱਤਰਦੇ ਹੋਏ, ਚੇਹਰੇ ਅਤੇ ਮੂੰਹ ਢਕਣ ਦੇ ਲਈ ਮਾਸਕ ਪ੍ਰਦਾਨ ਕੀਤੇ ਗਏ, ਅਤੇ ਇਸਦੇ ਨਾਲ ਹੀ ਰੰਗਬਿਰੰਗੇ ਗੁੱਟਾਂ 'ਤੇ ਬੰਨਣ ਵਾਲੇ ਬੈਂਡ ਵੀ ਦਿੱਤੇ।
ਇਸਤੋਂ ਬਾਅਦ ਬੱਸਾਂ 'ਤੇ ਸਵਾਰ ਹੋਕੇ ਇਹ ਯਾਤਰੀ ਟੋਕਯੋ ਹਵਾਈ ਅੱਡੇ ਵੱਲ ਰਵਾਨਾ ਹੋਏ।
ਹਾਲਾਂਕਿ ਕਰੀਬ 2 ਹਫਤੇ ਤਕ ਕੁਆਰੰਟੀਨ ਰੱਖੇ ਜਾ ਚੁੱਕੇ ਇਹ ਕਨੇਡੀਅਨ, ਅਜੇ ਵਤਨ ਪਰਤਣ ਤੋਂ ਬਾਅਦ ਵੀ ਕਰੀਬ 2 ਹਫਤੇ ਲਈ ਔਂਟੈਰੀਓ ਦੇ ਕੌਰਨਵਾਲ 'ਚ ਕੁਆਰੰਟੀਨ ਰੱਖੇ ਜਾਣਗੇ।
ਯਾਦ ਰਹੇ ਪੂਰੇ ਮਾਮਲੇ ਨੂੰ ਲੈਕੇ ਵਿਦੇਸ਼ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਲਗਾਤਾਰ ਟਵੀਟ ਰਾਹੀਂ ਜਾਣਕਾਰੀ ਸਾਂਝੀ ਕਰ ਰਹੇ ਹਨ।
ਵੀਰਵਾਰ ਦੁਪਹਿਰੇ ਕੀਤੇ ਇੱਕ ਟਵੀਟ 'ਚ ਉਨ੍ਹਾਂ ਦੱਸਿਆ ਕਿ ਟੋਕਯੋ ਤੋਂ ਕਨੇਡੀਅਨ ਹਵਾਈ ਜਹਾਜ਼ ਉਡਾਣ ਭਰਨ ਲਈ ਤਿਆਰ ਹੈ।
ਕੋਈ ਵੀ ਜਾਣਕਾਰੀ ਹਾਸਿਲ ਕਰਨ ਲਈ ਉਨ੍ਹਾਂ ਆਪਣੇ ਟਵੀਟ ਦੇ ਨਾਲ 2 ਨੰਬਰ ਵੀ ਸਾਂਝੇ ਕੀਤੇ ਹਨ।
ਜਿਹੜੇ 47 ਕਨੇਡੀਅਨਸ ਨੂੰ ਕੋਵਿਡ-19 ਦੇ ਨਾਲ ਪੀੜਤ ਦੱਸਿਆ ਗਿਆ ਹੈ, ਉਨ੍ਹਾਂ ਨੂੰ ਫਿਲਹਾਲ ਜਾਪਾਨ 'ਚ ਹੀ ਇਲਾਜ ਅਧੀਨ ਰਹਿਣਾ ਪਵੇਗਾ।
ਦੇਸ਼ ਦੀ ਸਿਹਤ ਮੰਤਰੀ ਪੈਟੀ ਹਾਏਡੁ ਨੇ ਵੀ ਮਾਮਲੇ 'ਚ ਜਾਣਕਾਰੀ ਸਾਂਝੀ ਕੀਤੀ ਹੈ।
