ਨਨਾਈਮੋ ਆਰ.ਸੀ.ਐਮ.ਪੀ. ਨੇ ਫਰੌਡਸ ਸੰਬੰਧੀ ਕਈ ਘਟਨਾਵਾਂ ਦੀ ਜਾਣਕਾਰੀ ਦਿੰਦਿਆਂ ਕੀਤਾ ਸਾਵਧਾਨ

ਬੀ. ਸੀ. ਵਿਚ ਪੁਲਿਸ ਨੇ ਗਰੈਂਡਸੰਨ ਸਕੈਮ ਤੋਂ ਲੈ ਕੇ ਫੇਕ ਲੋਟੋ ਪ੍ਰਾਈਜ਼ ਤੱਕ ਬਾਰੇ ਚਿਤਾਵਨੀ ਦਿੱਤੀ ਹੈ। ਨਨਾਈਮੋ ਵਿਚ ਹਾਲ ਹੀ ਵਿਚ ਇਸ ਤਰ੍ਹਾਂ ਦੇ ਵੱਖ-ਵੱਖ ਮਾਮਲੇ ਸਾਹਮਣੇ ਆਏ ਹਨ, ਜਿਥੇ ਪੁਲਿਸ ਦਾ ਕਹਿਣਾ ਹੈ ਕਿ ਗਰੈਂਡਸੰਨ ਸਕੈਮ ਵਿਚ ਇੱਕ ਬਜ਼ੁਰਗ ਨੂੰ $1700 ਦਾ ਨੁਕਸਾਨ ਹੋਇਆ, ਪੀੜਤ ਨੂੰ ਇੱਕ ਨਿੱਜੀ ਨੰਬਰ ਤੋਂ ਫੋਨ ਕੀਤਾ ਗਿਆ ਸੀ, ਜਿਸ ਵਿਚ ਉਸ ਨੂੰ ਕਿਹਾ ਗਿਆ ਕਿ ਉਹ ਪੁਲਿਸ ਤੋਂ ਹੈ ਅਤੇ ਉਸ ਦੇ ਪੋਤੇ ਨੂੰ ਇੱਕ ਵਾਹਨ ਦੁਰਘਟਨਾ ਦੇ ਸਬੰਧ ਵਿਚ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਸ ਦੀ ਜ਼ਮਾਨਤ ਦੇ ਬਦਲੇ ਪੈਸੇ ਮੰਗੇ ਗਏ।

ਇਸੇ ਤਰ੍ਹਾਂ ਖੁਦ ਨੂੰ ਜੇਮਸ ਬਚਰ ਦੱਸਣ ਵਾਲੇ ਸ਼ੱਕੀ ਨੇ ਪੀੜਤ ਨੂੰ ਐਮਾਜ਼ੋਨ ਤੋਂ ਹੋਣ ਹਵਾਲਾ ਦਿੰਦੇ ਹੋਏ ਉਸ ਦੇ ਅਕਾਉਂਟ 'ਤੇ ਹਮਲਾ ਹੋਣ ਅਤੇ ਆਈ.ਪੀ. ਅਡਰੈਸ ਹੈਕ ਹੋਣ ਦੀ ਗੱਲ ਕਹੀ, ਜਿਸ ਦੀ ਆੜ ਵਿਚ ਉਸ ਨੇ ਪੀੜਤ ਤੋਂ ਵੈਸਟਰਨ ਯੂਨੀਅਨ ਜ਼ਰੀਏ $899 ਅਤੇ ਬਿਟਕੋਇਨ ਏਟੀਐਮ ਰਾਹੀਂ $900 ਪ੍ਰਾਪਤ ਕੀਤੇ।

ਇਸੇ ਤਰ੍ਹਾਂ ਇੱਕ ਪੀੜਤਾ ਨੇ ਨਨਾਈਮੋ ਪੁਲਿਸ ਨੂੰ ਨਿੱਜੀ ਬੈਂਕਿੰਗ ਜਾਣਕਾਰੀ ਦੇਣ ਵਿਚ $350 ਦਾ ਨੁਕਸਾਨ ਹੋਣ ਦੀ ਰਿਪੋਰਟ ਕੀਤੀ ਹੈ। ਇੱਕ ਕਾਲਰ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੇ ਫੇਸਬੁੱਕ ਉਤੇ ਇੱਕ ਸਰਵੇ ਵਿਚ ਜਵਾਬ ਦਿੱਤਾ ਸੀ, ਜਿੱਥੇ ਇਨਾਮ ਵਿਚ ਇੱਕ ਟਰੱਕ ਅਤੇ $150,000 ਜਿੱਤਣ ਦਾ ਝਾਂਸਾ ਸ਼ਾਮਲ ਸੀ। ਇਸ ਸਬੰਧ ਵਿਚ ਇੱਕ ਔਰਤ ਨੇ ਪੀੜਤਾ ਨੂੰ ਫੋਨ ਕੀਤਾ ਅਤੇ $40 ਵਿਚ ਗਿਫਟ ਕਾਰਡ ਖਰੀਦਣ ਲਈ ਰਾਜ਼ੀ ਕੀਤਾ ਜੋ ਕਿ ਇੱਕ ਧੋਖਾਧੜੀ ਸੀ।