16.18C Vancouver 16.18C VancouverFeb 24, 2022 1:45 AM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਅੱਜ ਕੋਵਿਡ-19 ਸੰਬੰਧੀ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਹੈ ਕਿ ਸੂਬੇ 'ਚ 70 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ ਲਈ ਘਰ 'ਚ ਹੀ ਮੁਫਤ ਰੈਪਿਡ ਟੈਸਟ ਪ੍ਰਦਾਨ ਕਰਨ ਜਾ ਰਹੀ ਹੈ।
ਪ੍ਰੋਵਿੰਸ਼ੀਅਲ ਸਰਕਾਰ ਦਾ ਕਹਿਣਾ ਹੈ ਕਿ ਜਲਦੀ ਹੀ ਫਾਰਮੇਸੀਆਂ ਨੂੰ ਬੀ.ਸੀ. ਦੇ ਸੀਨੀਅਰਸ ਨੂੰ ਮੁਫਤ 'ਚ ਵੰਢਣ ਲਈ ਵੱਡੀ ਗਿਣਤੀ 'ਚ ਰੈਪਿਡ ਐਂਟੀਜੈਨ ਟੈਸਟ ਕਿਟਸ ਮੁਹਈਆ ਕਰਵਾਏ ਜਾਣਗੇ।
23 ਫਰਵਰੀ ਤਕ ਸੂਬਾ ਸਰਕਾਰ ਵੱਲੋਂ 14 ਮਿਲੀਅਨ ਤੋਂ ਵਧੇਰੇ ਟੈਸਟ ਵੰਢੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਡਾ. ਬੌਨੀ ਹੈਨਰੀ ਦਾ ਕਹਿਣਾ ਹੈ ਕਿ, ਸ਼ੁੱਕਰਵਾਰ ਤਕ ਹੀ ਇਹ ਫਾਰਮੇਸੀਆਂ 'ਤੇ ਉਪਲਬਧ ਹੋਣੇ ਸ਼ੁਰੂ ਹੋ ਸਕਦੇ ਹਨ।
ਇਸੇ ਦੌਰਾਨ ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸੂਬੇ ਦੇ ਜਿਹੜੇ ਲੋਕ ਐਮ.ਆਰ.ਐਨ.ਏ. ਵੈਕਸੀਨ ਹਾਸਿਲ ਕਰਨ ਤੋਂ ਝਿਜਕਦੇ ਸਨ ਉਹ ਜਲਦੀ ਹੀ ਨੋਵਾਵੈਕਸ ਵੈਕਸੀਨ ਹਾਸਿਲ ਕਰ ਸਕਣਗੇ।
ਉਨ੍ਹਾਂ ਕਿਹਾ ਕਿ ਇਹ ਵੈਕਸੀਨ ਪ੍ਰੋਟੀਨ ਸਬ-ਯੂਨਿਟ ਵੈਕਸੀਨ ਹੈ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਐਮ.ਆਰ.ਐਨ.ਏ. ਵੈਕਸੀਨ ਰੀਐਕਸ਼ਨ ਕਰ ਗਈ ਹੋਵੇ ਉਨ੍ਹਾਂ ਲਈ ਵੀ ਇਹ ਵੈਕਸੀਨ ਬਿਹਤਰ ਚਾਇਸ ਹੋ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵੈਕਸੀਨ ਨੂੰ ਕੋਈ ਬਹੁਤੇ ਘਟ ਤਾਪਮਾਨ 'ਤੇ ਵੀ ਰੱਖਣ ਦੀ ਲੋੜ ਨਹੀਂ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਇਸ ਵੈਕਸੀਨ ਨੂੰ ਹਾਸਿਲ ਕਰਨਾ ਚਾਹੁੰਦਾ ਹੈ ਤਾਂ ਉਹ ਕੋਵਿਡ-19 ਵੈਕਸੀਨ ਲਾਈਨ 'ਤੇ ਕਾਲ ਕਰਨ ਅਤੇ ਦੱਸਣ ਕਿ ਉਹ ਇਸ ਵੈਕਸੀਨ ਨੂੰ ਹਾਸਿਲ ਕਰਨਾ ਚਾਹੁੰਦੇ ਹਨ।
