13.36C Vancouver 13.36C VancouverFeb 19, 2020 1:55 AM -
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਅੱਜ ਨਿਊ ਡੈਮੋਕ੍ਰੈਟਸ ਦਾ ਧਨਵਾਦ ਕੀਤਾ ਹੈ।
ਉਨ੍ਹਾਂ ਅਜਿਹਾ ਉਸ ਵੇਲੇ ਕੀਤਾ, ਜਦ ਲਿਬਰਲ ਸਰਕਾਰ ਨੇ ਨਵੇਂ NAFTA ਕਰਾਰ ਨੂੰ ਲੈਕੇ ਰਫਤਾਰ 'ਚ ਵਾਧਾ ਲਿਆਉਣ ਦੀ ਕੋਸ਼ਿਸ਼ ਕੀਤੀ।
ਹਾਲਾਂਕਿ ਇਸ ਸਭ ਦੌਰਾਨ ਉਨ੍ਹਾਂ ਕੰਜ਼ਰਵੇਟਿਵਸ ਨੂੰ ਕਰੜੇ ਹੱਥੀਂ ਲਿਆ।
ਫਰੀਲੈਂਡ ਨੇ ਕਿਹਾ ਕਿ ਸਰਕਾਰ ਹਾਊਸ ਆਫ ਕਾਮਨਸ ਦੀ ਨਵੀਂ ਡੀਲ ਨੂੰ ਲੈਕੇ ਸਟਡੀ ਦੀ ਉਡੀਕ 'ਚ ਹੈ, ਜੋ ਕਿ ਨਵੇਂ ਨਾਰਥ ਅਮਰੀਕਨ ਟਰੇਡ ਐਗਰੀਮੈਂਟ ਨਾਲ ਸੰਬੰਧਤ ਹੈ।
ਅਮਰੀਕਾ ਅਤੇ ਮੈਕਸੀਕੋ ਵੱਲੋਂ ਪਹਿਲਾਂ ਹੀ ਇਸ ਨਵੇਂ ਕਰਾਰ ਨੂੰ ਲੈਕੇ ਜਰੂਰੀ ਬਦਲਾਅ ਕਰ ਲਏ ਗਏ ਹਨ।
ਇਸ ਨਵੀਂ ਡੀਲ ਨੂੰ ਲੈਕੇ ਕਈ ਮਹੀਨਿਆਂ ਤਕ ਜਾਰੀ ਰਹੀ ਗੱਲਬਾਤ ਦੌਰਾਨ, ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਕਈ ਮੌਕਿਆਂ 'ਤੇ ਇਸ ਡੀਲ ਨੂੰ ਰੱਦ ਕਰ ਦੇਣ ਦੀ ਵੀ ਗੱਲ ਆਖੀ ਸੀ।
ਨਵੀਂ ਡੀਲ ਨੂੰ ਲੈਕੇ ਲਿਬਰਲ ਸਰਕਾਰ ਉਤਸ਼ਾਹਿਤ ਹੈ, ਅਤੇ ਇਹ ਕੈਨੇਡਾ ਲਈ ਅਮਰੀਕਾ ਦੇ ਨਾਲ ਵਪਾਰਿਕ ਸੰਬੰਧਾਂ ਤਹਿਤ ਜਰੂਰੀ ਵੀ ਮੰਨੀ ਜਾਂਦੀ ਹੈ।
ਇਸ ਡੀਲ ਨੂੰ ਅੱਗੇ ਵਧਾਉਣ ਲਈ ਲਿਬਰਲਸ ਨੂੰ ਘਟੋ-ਘਟ ਇੱਕ ਹੋਰ ਪਾਰਟੀ ਦੇ ਸਹਿਯੋਗ ਦੀ ਲੋੜ ਸੀ।
ਮੰਗਲਵਾਰ ਨੂੰ ਫਰੀਲੈਂਡ ਨੇ ਆਖਿਆ ਕਿ ਹਾਊਸ ਆਫ ਕਾਮਨਸ ਦੀ ਕਮੇਟੀ, ਇਸ ਡੀਲ ਨੂੰ ਲੈਕੇ 28 ਫਰਵਰੀ ਤਕ ਆਪਣੀ ਸੁਣਵਾਈ ਪੂਰੀ ਕਰ ਲਵੇਗੀ।
