18.69C Vancouver 18.69C VancouverMay 21, 2025 2:16 PM - The Canadian Press
ਕੈਨੇਡਾ ਵਿਚ ਜੂਨ ਵਿਚ ਹੋਣ ਵਾਲੀ ਜੀ-7 ਦੀ ਪ੍ਰਮੁੱਖ ਬੈਠਕ ਤੋਂ ਪਹਿਲਾਂ ਵਿਸ਼ਵ ਦੇ ਇਨ੍ਹਾਂ ਆਰਥਿਕ ਸੰਪੰਨ ਮੁਲਕਾਂ ਦੇ ਵਿੱਤ ਮੰਤਰੀ ਦੀ ਇੱਕ ਬੈਠਕ ਐਲਬਰਟਾ ਦੇ ਬੈਨਫ ਵਿਚ ਚੱਲ ਰਹੀ ਹੈ, ਜਿਸ ਦਾ ਮੁੱਖ ਫੋਕਸ ਵਿਸ਼ਵ ਅਰਥਵਿਵਸਥਾ ਅਤੇ ਯੂਕਰੇਨ ਯੁੱਧ ਸਮੇਤ ਹੋਰ ਮਹੱਤਵਪੂਰਨ ਮੁੱਦਿਆਂ 'ਤੇ ਚਰਚਾ ਕਰਨਾ ਹੈ। ਇਹ ਬੈਠਕ ਵੀਰਵਾਰ ਨੂੰ ਸਮਾਪਤ ਹੋ ਜਾਵੇਗੀ।
ਅਮਰੀਕਾ ਦੇ ਖਜ਼ਾਨਾ ਸਕੱਤਰ ਸਕਾਟ ਬੇਸੈਂਟ ਵੀ ਇਸ ਬੈਠਕ ਲਈ ਕੈਨੇਡਾ ਵਿਚ ਹਨ, ਉਨ੍ਹਾਂ ਦੇ ਦਫ਼ਤਰ ਦਾ ਕਹਿਣਾ ਹੈ ਕਿ ਬੇਸੈਂਟ ਇਸ ਬੈਠਕ ਵਿਚ ਵਿਸ਼ਵ ਵਪਾਰ ਅਸੰਤੁਲਨ ਅਤੇ ਗੈਰ-ਮਾਰਕੀਟ ਅਭਿਆਸ ਦਾ ਮੁੱਦਾ ਰੱਖਣਗੇ। ਉਥੇ ਹੀ,ਕੈਨੇਡਾ ਨਾਲ ਵਪਾਰ ਯੁੱਧ ਵਿਚਕਾਰ ਕੈਨੇਡੀਅਨ ਵਿੱਤ ਮੰਤਰੀ ਫ੍ਰਾਂਸਵਾ-ਫਿਲਿਪ ਸ਼ੈਂਪੇਨ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਉਹ ਬੇਸੈਂਟ ਨਾਲ ਮੁਲਾਕਾਤ ਲਈ ਉਤਸੁਕ ਹਨ ਤਾਂ ਜੋ ਉਹ ਖੁੱਲ੍ਹ ਕੇ ਅਤੇ ਸਪੱਸ਼ਟ ਰੂਪ ਨਾਲ ਚਰਚਾ ਕਰ ਸਕਣ ਕਿ ਕੈਨੇਡਾ ਅਤੇ ਅਮਰੀਕਾ ਕਿਸ ਪ੍ਰਕਾਰ ਮਿਲ ਕੇ ਕੰਮ ਕਰ ਸਕਦੇ ਹਨ।
ਗੌਰਤਲਬ ਹੈ ਕਿ ਜੀ 7 ਵਿਚ ਕੈਨੇਡਾ,ਅਮਰੀਕਾ,ਫਰਾਂਸ,ਜਰਮਨੀ,ਇਟਲੀ, ਜਾਪਾਨ,ਯੂਕੇ ਤੋਂ ਇਲਾਵਾ ਯੂਰਪੀਅਨ ਯੂਨੀਅਨ ਵੀ ਗੈਰ-ਗਿਣਤੀ ਮੈਂਬਰ ਵਜੋਂ ਸ਼ਾਮਲ ਹੈ।
