15.67C Vancouver 15.67C VancouverJul 2, 2020 11:21 PM -
ਅਮਰੀਕਾ 'ਚ ਐਫ.ਬੀ.ਆਈ. ਨੇ 58 ਸਾਲਾ ਬ੍ਰਿਟਿਸ਼ ਸੋਸ਼ਲਾਈਟ ਗਿਜ਼ਲੇਨ ਮੈਕਸਵੈਲ ਨੂੰ ਗ੍ਰਿਫਤਾਰ ਕੀਤਾ ਹੈ।
ਤਿੰਨ ਲੜਕੀਆਂ ਨੂੰ ਫਾਈਨੈਂਸਰ ਜੈਫਰੀ ਐਪਸਟੇਨ ਵੱਲੋਂ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਬਣਾਉਣ 'ਚ ਮਦਦ ਕਰਨ ਦੇ ਇਲਜ਼ਾਮਾਂ ਤਹਿਤ ਇਹ ਗ੍ਰਿਫਤਾਰੀ ਹੋਈ ਹੈ।
ਅੱਜ ਜਾਰੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਮਾਮਲੇ 'ਚ ਗਿਜ਼ਲੇਨ ਮੈਕਸਵੈਲ ਨੂੰ ਬੈੱਡਫੋਰਡ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ।
ਔਰਤ 'ਤੇ ਇਲਜ਼ਾਮ ਹਨ ਕਿ ਉਨ੍ਹਾਂ ਐਪਸਟੇਨ ਦੇ ਗੁਨਾਹਾਂ 'ਚ ਮਦਦ ਕੀਤੀ, ਜਿਸ ਤਹਿਤ ਪਹਿਲਾਂ ਇਨ੍ਹਾਂ ਲੜਕੀਆਂ ਨੂੰ ਰਿਕਰੂਟ ਕੀਤਾ ਗਿਆ, ਫਿਰ ਉਨ੍ਹਾਂ ਨੂੰ ਸ਼ੋਸ਼ਣ ਦਾ ਸ਼ਿਕਾਰ ਬਣਾਇਆ ਗਿਆ।
ਉਸ 'ਤੇ ਇਸ ਸ਼ੋਸ਼ਣ 'ਚ ਸ਼ਾਮਿਲ ਹੋਣ ਦੇ ਵੀ ਇਲਜ਼ਾਮ ਹਨ।
ਸੈਕਸ ਟ੍ਰੈਫਿਕਿੰਗ ਦੇ ਇਲਜ਼ਾਮਾਂ ਦਾ ਸਾਹਮਣਾ ਕਰਦੇ ਹੋਏ ਇੱਕ ਟ੍ਰਾਇਲ ਦਾ ਸਾਹਮਣਾ ਕਰਦੇ ਜੈਫਰੀ ਐਪਸਟੇਨ ਨੇ ਬੀਤੇ ਸਾਲ, ਗਰਮੀ ਦੁ ਰੁੱਤ 'ਚ ਫੈਡਰਲ ਡਿਟੈਨਸ਼ਨ 'ਚ ਖ਼ੁਦਕੁਸ਼ੀ ਕਰ ਲਈ ਸੀ।
ਐਪਸਟੇਨ 'ਤੇ ਦਰਜਨਾਂ ਲੜਕੀਆਂ ਅਤੇ ਔਰਤਾਂ ਦੇ ਸ਼ੋਸ਼ਣ ਦੇ ਇਲਜ਼ਾਮ ਸਨ।
ਯਾਦ ਰਹੇ ਮੈਕਸਵੈਲ ਨੇ ਖੁਦ 'ਤੇ ਲੱਗੇ ਇਲਜ਼ਾਮਾਂ ਨੂੰ ਬੇਬੁਨਿਆਦ ਅਤੇ ਗਲਤ ਦੱਸਿਆ ਹੈ।
