15.88C Vancouver 15.88C VancouverJul 10, 2020 2:30 AM -
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਦੱਖਣੀ ਕੈਲੀਫੋਰਨੀਆ 'ਚ ਨਾਮੀ ਗਾਇਕਾ ਅਤੇ ਅਦਾਕਾਰਾ, ਨਾਇਆ ਰਿਵੇਰਾ ਇੱਕ ਝੀਲ 'ਚ ਡੁੱਬ ਗਈ ਹੈ।
ਹਾਲਾਂਕਿ ਅਦਾਕਾਰਾ ਦੀ ਤਲਾਸ਼ ਦੀਆਂ ਕੋਸ਼ਿਸ਼ਾਂ ਬੰਦ ਨਹੀਂ ਕੀਤੀਆਂ ਗਈਆਂ ਹਨ।
ਵੈਂਚੁਰਾ ਕਾਉਂਟੀ ਸ਼ੈਰਿਫ, ਸਾਰਜੈਂਟ ਕੇਵਿਨ ਡੋਨੌਘੂ ਦਾ ਕਹਿਣਾ ਸੀ ਕਿ, ਕੋਈ ਅਜਿਹੇ ਪ੍ਰਮਾਣ ਨਹੀਂ ਮਿਲੇ ਹਨ ਕਿ ਰਿਵੇਰਾ ਝੀਲ ਵਿੱਚੋਂ ਬਾਹਰ ਨਿਕਲ ਸਕੀ ਹੋਵੇ। ਰਿਵੇਰਾ ਪੀਰੂ ਝੀਲ 'ਚ ਆਪਣੇ ਪੁੱਤਰ ਨਾਲ ਗਈ ਸੀ।
ਉਨ੍ਹਾਂ ਇੱਕ ਦਿਨ ਪਹਿਲਾਂ ਇੱਕ ਕਿਸ਼ਤੀ ਕਿਰਾਏ 'ਤੇ ਲਈ ਸੀ।
ਰਿਵੇਰਾ ਦਾ 4 ਸਾਲਾ ਬੇਟਾ ਕਿਸ਼ਤੀ 'ਤੇ ਇਕੱਲਾ ਮਿਲਿਆ ਹੈ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਹੁਣ ਭਾਲ ਦੀਆਂ ਕੋਸ਼ਿਸ਼ਾਂ ਰਿਕਵਰੀ ਮਿਸ਼ਨ 'ਚ ਤਬਦੀਲ ਹੋ ਗਈਆਂ ਹਨ। ਯਾਨੀ ਕਿ ਨਾਇਆ ਰਿਵੇਰਾ ਨੂੰ ਡੁੱਬ ਗਈ ਮੰਨਿਆ ਜਾ ਰਿਹਾ ਹੈ।
ਨਾਇਆ ਰਿਵੇਰਾ ਦੀ ਉਮਰ 33 ਸਾਲ ਸੀ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਸਰਵੇਲੈਂਸ ਵੀਡੀਓ 'ਚ ਮਾਂ ਅਤੇ ਬੇਟੇ ਨੂੰ ਡੌਕ ਨੂੰ ਇਕੱਠਿਆਂ ਨਿਕਲਦੇ ਵੇਖਿਆ ਜਾ ਸਕਦਾ ਹੈ।
ਪੁਲਿਸ ਅਫ਼ਸਰ ਨੇ ਇਹ ਵੀ ਕਿਹਾ ਕਿ ਰਿਵੇਰਾ ਨੂੰ ਕਿਸ਼ਤੀ ਚਲਾਉਣ ਦਾ ਚੰਗਾ ਤਜਰਬਾ ਸੀ।
