14.16C Vancouver 14.16C VancouverSep 28, 2020 10:35 PM -
ਵਿਸ਼ਵ ਭਰ 'ਚ ਕੋਵਿਡ-19 ਕਾਰਨ ਹੋ ਰਹੀਆਂ ਮੌਤਾਂ ਦੀ ਗਿਣਤੀ ਅੱਜ ਕਿਸੇ ਵੀ ਵੇਲੇ 1 ਮਿਲੀਅਨ ਦੇ ਪਾਰ ਹੋ ਜਾਵੇਗੀ।
ਜੌਨ ਹੌਪਕਿਨਸ ਯੂਨੀਵਰਸਿਟੀ ਵੱਲੋਂ ਰੱਖੇ ਜਾ ਰਹੇ ਅਧਿਕਾਰਿਤ ਅੰਕੜਿਆਂ ਦੇ ਆਧਾਰ 'ਤੇ ਇਹ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।
ਹਾਲਾਂਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ ਵਿਸ਼ਵ ਭਰ 'ਚ ਇਸ ਵਾਇਰਸ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ ਦੀ ਗਿਣਤੀ, ਇਸ ਤੋਂ ਵਧੇਰੇ ਹੈ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਿਹਤ ਸੰਕਟ ਦੇ ਸ਼ੁਰੂਆਤੀ ਦਿਨਾਂ 'ਚ ਟੈਸਟਿੰਗ ਅਤੇ ਵਾਇਰਸ ਸੰਬੰਧੀ ਮੌਤਾਂ ਦੀ ਪਛਾਣ ਬਾਰੇ ਸਪਸ਼ਟਤਾ ਨਹੀਂ ਸੀ, ਜਿਸ ਕਾਰਨ ਬਹੁਤ ਸਾਰੀਆਂ ਮੌਤਾਂ ਇਸ ਵਾਇਰਸ ਕਾਰਨ ਹੋਣ ਦੇ ਬਾਵਜੂਦ, ਇਸ ਗਿਣਤੀ 'ਚ ਰਿਪੋਰਟ ਨਹੀਂ ਹੋਈਆਂ।
ਇਹ ਦੁਖਦਾਈ ਅੰਕੜਾ ਉਸ ਵੇਲੇ ਸਾਹਮਣੇ ਆਇਆ ਹੈ, ਜਦ ਬਹੁਤ ਸਾਰੇ ਦੇਸ਼ ਇਸ ਵਾਇਰਸ ਦੀ ਦੂਜੀ ਵੇਵ ਨਾਲ ਜੂਝ ਰਹੇ ਹਨ, ਜਾਂ ਦੂਜੀ ਵੇਵ ਦੀ ਦਸਤਕ ਦਾ ਸਾਹਮਣਾ ਕਰਨ ਨੂੰ ਤਿਆਰ ਹਨ।
