12.86C Vancouver 12.86C VancouverMar 14, 2020 8:38 PM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਹਰ ਉਹ ਕੈਨੇਡੀਅਨ ਜੋ ਇਸ ਵੇਲੇ ਮੁਲਕ ਤੋਂ ਬਾਹਰ ਹੈ ਜਲਦ ਵਾਪਸ ਆ ਜਾਵੇ ਕਿਉਂਕਿ ਹੋ ਸਕਦਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਕੋਵਿਡ-19 ਕਰਕੇ ਲੱਗਣ ਵਾਲੀਆਂ ਸੰਭਾਵਿਤ ਪਾਬੰਦੀਆਂ ਕਾਰਨ ਮੁਲਕ ਪਰਤਨਾ ਮੁਮਕਿਨ ਨਾ ਹੋਵੇ।
ਕੁਝ ਸਮਾਂ ਪਹਿਲਾਂ ਸਰਕਾਰ ਵੱਲੋਂ ਯਾਤਰੀਆਂ ਨੂੰ ਇਸ ਬਾਰੇ ਸੋਚਣ ਦੀ ਸਲਾਹ ਦਿੱਤੀ ਗਈ ਸੀ।
ਇਹ ਨਵੀਂ ਹਦਾਇਤ ਵਿਦੇਸ਼ ਮੰਤਰੀ ਫਰਾਂਸੂਆ-ਫਿਲੀਪ ਸ਼ੈਂਪੇਨ ਵੱਲੋਂ ਟਵੀਟ ਕੀਤੀ ਗਈ ਹੈ।
ਉਨ੍ਹਾਂ ਚਿਤਾਵਨੀ ਦਿੱਤੀ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਕੋਵਿਡ-19 ਦੇ ਖਤਰੇ ਕਾਰਨ ਹੋ ਸਕਦਾ ਹੈ ਕਿ ਕਮਰਸ਼ੀਅਲ ਵਿਕਲਪ ਉਪਲੱਬਧ ਨਾ ਹੋਣ।
ਕੁਝ ਮੁਲਕਾਂ ਵੱਲੋਂ ਪਹਿਲਾਂ ਹੀ ਏਅਰ ਟਰੈਫਿਕ ਨੂੰ ਸੀਮਤ ਕਰਨ ਲਈ ਅਜਿਹੇ ਫ਼ੈਸਲੇ ਕੀਤੇ ਜਾ ਚੁੱਕੇ ਹਨ।
