10.7C Vancouver 10.7C VancouverMar 10, 2020 7:22 PM -
ਫੈਡਰਲ ਸਰਕਾਰ ਕੋਸ਼ਿਸ਼ਾਂ ਵਿੱਚ ਜੁਟੀ ਹੈ ਕਿ ਕੋਈ ਵੀ ਵਰਕਰ, ਜਿਸਨੂੰ ਕਿ ਕੋਵਿਡ-19 ਵਰਗੇ ਲੱਛਣ ਹੋਣ, ਓਹ ਕੰਮ 'ਤੇ ਨਾ ਜਾਵੇ।
ਫੈਡਰਲ ਲੇਬਰ ਮੰਤਰੀ, ਫਿਲੋਮੇਨਾ ਟੈਸੀ ਦਾ ਕਹਿਣਾ ਹੈ ਕਿ ਜੇਕਰ ਸਰਕਾਰ ਨੂੰ ਇਹ ਸੁਣਨ ਨੂੰ ਮਿਲਦਾ ਹੈ ਕਿ ਕੋਈ ਅਜਿਹੇ ਲੱਛਣਾਂ ਦੇ ਬਾਵਜੂਦ ਕੰਮ 'ਤੇ ਜਾ ਰਿਹਾ ਹੈ, ਤਾਂ ਸਰਕਾਰ ਵੱਲੋਂ ਐਕਸ਼ਨ ਲਿਆ ਜਾਵੇਗਾ।
ਹਾਲਾਂਕਿ ਕਿਸ ਕਿਸਮ ਦੀ ਕਾਰਵਾਈ ਕੀਤੀ ਜਾਵੇਗੀ, ਇਸਦੇ ਬਾਰੇ ਸਥਿਤੀ ਸਪਸ਼ਟ ਨਹੀਂ ਕੀਤੀ ਗਈ ਹੈ।
ਟੈਸੀ ਦਾ ਕਹਿਣਾ ਹੈ ਕਿ ਸਰਕਾਰ ਦੀ ਸਪੈਸ਼ਲ ਕੈਬਿਨੇਟ ਕਮੇਟੀ ਸਥਿਤੀ 'ਤੇ ਨਜਰ ਬਣਾ ਕੇ ਰਖੇਗੀ।
ਇਸ ਕਮੇਟੀ ਦੀ ਅਗਵਾਈ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਵੱਲੋਂ ਕੀਤੀ ਜਾ ਰਹੀ ਹੈ।
ਯਾਦ ਰਹੇ ਕੈਨੇਡਾ 'ਚ ਹੁਣ ਤਕ ਇਸ ਵਾਇਰਸ ਸੰਬੰਧੀ 80 ਮਾਮਲੇ ਉਜਾਗਰ ਹੋ ਚੁੱਕੇ ਹਨ।
