11.87C Vancouver 11.87C VancouverDec 18, 2021 12:53 AM - The Canadian Press
ਬੀ.ਸੀ. ਦੀ ਖੇਤੀਬਾੜੀ ਮੰਤਰੀ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ $1 ਮਿਲੀਅਨ ਤਕ ਦੀ ਫੰਡਿੰਗ ਪ੍ਰਦਾਨ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਕਿ ਕਮਰਸ਼ਲ ਲਾਈਵਸਟੌਕ ਉਤਪਾਦਕਾਂ ਨੂੰ ਮਦਦ ਪ੍ਰਦਾਨ ਹੋ ਸਕੇ।
ਇਸ ਫੰਡਿੰਗ ਦੇ ਆਸਰੇ ਇਹ ਉਤਪਾਦਕ ਆਪਣੇ ਪਸ਼ੂਆਂ ਲਈ ਖਾਣਪੀਣ ਦੀ ਸਮਗਰੀ ਦਾ ਪ੍ਰਬੰਧ ਕਰ ਸਕਣਗੇ।
ਇਹ ਮਦਦ ਹੜ੍ਹਾਂ ਨਾਲ ਪ੍ਰਭਾਵਿਤ ਲਾਈਵਸਟੌਕ ਉਤਪਾਦਕਾਂ ਨੂੰ ਪ੍ਰਦਾਨ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਲਾਨਾ ਪੌਪਹਮ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ ਬੀ.ਸੀ. ਕੈਟਲਮੈਨਸ ਐਸੋਸੀਏਸ਼ਨ ਅਤੇ ਬੀ.ਸੀ. ਫੌਰੇਜ ਕਾਉਂਸਿਲ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ ਤਾਂ ਜੋ ਪ੍ਰੋਗਰਾਮ ਨੂੰ ਸਹੀ ਢੰਗ ਨਾਲ ਲਾਗੂ ਕੀਤਾ ਜਾ ਸਕੇ ਅਤੇ ਕਿਸਾਨ ਮੁੜ ਤੋਂ ਆਪਣੇ ਕੰਮ ਆਰੰਭ ਸਕਣ।
ਇਸ ਪ੍ਰੋਗਰਾਮ ਲਈ ਐਲੀਜੀਬਲ ਉਤਪਾਦਕਾਂ ਨੂੰ ਪ੍ਰੋਗਰਾਮ ਪਾਰਟਨਰਸ ਨਾਲ ਸੰਪਰਕ ਕਰਨ ਦੀ ਮੰਗ ਕੀਤੀ ਗਈ ਹੈ ਤਾਂ ਜੋ ਫੰਡਿੰਗ ਲਈ ਐਪਲੀਕੇਸ਼ਨ ਭਰੀ ਜਾ ਸਕੇ।
ਯਾਦ ਰਹੇ ਮੰਤਰਾਲੇ ਨੇ ਇਸ ਤੋਂ ਪਹਿਲਾਂ ਜਾਣਕਾਰੀ ਦਿੱਤੀ ਸੀ ਕਿ ਸੂਬੇ 'ਚ ਹੜ੍ਹਾਂ ਦੌਰਾਨ 630,000 ਦੇ ਕਰੀਬ ਚਿਕਨ, 420 ਗਾਵਾਂ ਅਤੇ 12,000 ਦੇ ਕਰੀਬ ਸੂਰਾਂ ਦੀ ਜਾਨ ਚਲੀ ਗਈ ਸੀ।
ਇਹ ਅੰਕੜਾ ਇਕੱਲੇ ਸੁਮਾਸ ਪ੍ਰਾਇਰੀ ਇਲਾਕੇ ਨਾਲ ਸੰਬੰਧਤ ਸੀ।
ਲਾਨਾ ਪੌਪਹਮ ਦਾ ਟਵੀਟ:
Commercial livestock producers in BC affected by the recent floods are receiving support with up to $1 million to help fill the immediate need of forage. Learn more, here: https://news.gov.bc.ca/25977
