13.94C Vancouver 13.94C VancouverOct 5, 2023 6:47 PM - The Canadian Press
ਕੈਨੇਡੀਅਨਸ ਨੂੰ ਗਰੌਸਰੀ ਕੀਮਤਾਂ ਵਿੱਚ ਜਲਦ ਖੜੋਤ ਦੇਖਣ ਨੂੰ ਮਿਲ ਸਕਦੀ ਹੈ।
ਉਦਯੋਗ ਮੰਤਰੀ ਫ਼੍ਰੈਂਸੁਆ ਫ਼ਿਲਿਪ ਸ਼ੈਂਪੇਨ ਵੱਲੋਂ ਵੀਰਵਾਰ ਇਸ ਦੀ ਘੋਸ਼ਣਾ ਕੀਤੀ ਗਈ ਹੈ।
ਮਿਨਿਸਟਰ ਨੇ ਕਿਹਾ ਕਿ ਵੱਡੇ ਗਰੌਸਰੀ ਸਟੋਰ ਕੀਮਤਾਂ ਨੂੰ ਕੰਟਰੋਲ ਕਰਨ ਲਈ ਕਦਮ ਚੁੱਕਣ ਜਾ ਰਹੇ ਹਨ ਅਤੇ ਕੈਨੇਡੀਅਨਸ ਫੂਡ ਕੀਮਤਾਂ ਵਿੱਚ ਕਮੀ ਅਤੇ ਸਥਿਰਤਾ ਜਲਦ ਦੇਖਣ ਦੀ ਉਮੀਦ ਕਰ ਸਕਦੇ ਹਨ।
ਸ਼ੈਂਪੇਨ ਨੇ ਕਿਹਾ ਕਿ ਲੌਬਲੌਜ਼, ਮੈਟਰੋ, ਐਮਪਾਇਅਰ, ਕੌਸਕੋ ਅਤੇ ਵੌਲਮਾਰਟ ਨੇ ਗਰੌਸਰੀ ਦੀਆਂ ਕੀਮਤਾਂ ਨੂੰ ਕੰਟਰੋਲ ਕਰਨ ਦੀ ਸਹਿਮਤੀ ਦਿੱਤੀ ਹੈ ਜਿਸ ਦੇ ਨਤੀਜੇ ਵਜੋਂ ਗਰੌਸਰੀ ਕੀਮਤਾਂ ਘੱਟ ਹੋਣ ਜਾ ਰਹੀਆਂ ਹਨ।
ਉਹਨਾਂ ਕਿਹਾ ਕਿ ਕੈਨੇਡੀਅਨਸ ਨੂੰ ਰਾਹਤ ਦਿਵਾਉਣ ਵੱਲ ਇਹ ਸ਼ੁਰੂਆਤੀ ਕਦਮ ਹੈ, ਸਰਕਾਰ ਹੋਰ ਵੀ ਕੰਮ ਕਰੇਗੀ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਲੌਬਲੌਜ਼ ਵਰਗੇ ਵੱਡੇ ਗਰੌਸਰਸ ਨੂੰ ਥੈਂਕਸਗਿਵੰਗ ਤੱਕ ਕੀਮਤਾਂ ਨੂੰ ਘੱਟ ਕਰਨ ਬਾਰੇ ਪਲੈਨ ਪੇਸ਼ ਕਰਨ ਦਾ ਅਲਟੀਮੇਟਮ ਦਿੱਤਾ ਸੀ ਅਤੇ ਕਿਹਾ ਸੀ ਕਿ ਜੇ ਅਜਿਹਾ ਨਹੀਂ ਹੁੰਦਾ ਤਾਂ ਸਰਕਾਰ ਉਹਨਾਂ ਦੇ ਪ੍ਰੋਫਿਟਸ 'ਤੇ ਟੈਕਸ ਲਗਾਏਗੀ।
ਗ੍ਰੋਸਰਸ ਨਾਲ ਗੱਲਬਾਤ ਦੀ ਜ਼ਿੰਮੇਵਾਰੀ ਉਦਯੋਗ ਮੰਤਰੀ ਫ਼੍ਰੈਂਸੁਆ ਫ਼ਿਲਿਪ ਸ਼ੈਂਪੇਨ ਨੂੰ ਸੌਂਪੀ ਗਈ ਸੀ ਜਿਨ੍ਹਾਂ ਨੇ ਗਰੌਸਰੀ ਚੇਨਾਂ ਦੇ ਉੱਚ ਅਧਿਕਾਰੀਆਂ ਨਾਲ ਕਈ ਦੌਰ ਦੀ ਮੀਟਿੰਗ ਕੀਤੀ ਸੀ।
