18.89C Vancouver 18.89C VancouverApr 13, 2020 3:41 PM -
ਹੈਲਥ ਕੈਨੇਡਾ ਵਲੋਂ ਕੋਵਿਡ-19 ਲਈ ਸਪਾਰਟਨ ਬਾਇਓਸਾਈਂਸ ਦੇ ਪੋਰਟੇਬਲ ਟੈਸਟ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਆਟਵਾ ਦੀ ਸਪਾਰਟਨ ਬਾਇਓਸਾਇੰਸ ਵੱਲੋਂ ਤਿਆਰ ਕੀਤੀ ਗਈ ਸਪਾਰਟਨ ਕਿਊਬ ਰਾਹੀਂ ਕੀਤਾ ਟੈਸਟ ਪੇਂਡੂ ਅਤੇ ਦੂਰ ਦਰਾਜ਼ ਦੇ ਇਲਾਕਿਆਂ ਵਿੱਚ, ਖਾਸਕਰ ਜਿੱਥੇ ਇੰਡੀਜੀਨਸ ਭਾਈਚਾਰੇ ਰਹਿੰਦੇ ਹਨ, ਸਹਾਈ ਸਾਬਤ ਹੋਵੇਗਾ।
ਜਿਹੜੇ ਲੋਕ ਸਵਾਬ ਸੈਂਪਲ ਦੇਣ ਲਈ ਲੈਬ ਨਹੀਂ ਜਾ ਸਕਦੇ ਉਨ੍ਹਾਂ ਲਈ ਇਹ ਸਪਾਰਟਨ ਕਿਊਬ ਵਰਤੀ ਜਾ ਸਕੇਗੀ।
ਇਨ੍ਹਾਂ ਸਪਾਰਟਨ ਕਿਊਬਾਂ ਰਾਹੀਂ ਟੈਸਟ ਦੇ ਨਤੀਜੇ ਇੱਕ ਘੰਟੇ ਦੇ ਅੰਦਰ ਆ ਸਕਦੇ ਹਨ।
ਫੈਡਰਲ, ਐਲਬਰਟਾ ਅਤੇ ਓਨਟਾਰੀਓ ਸਰਕਾਰਾਂ ਵੱਲੋਂ ਇਨ੍ਹਾਂ ਟੈਸਟਿੰਗ ਕਿੱਟਾਂ ਲਈ ਕਾਂਟਰੈਕਟ ਸਾਈਨ ਕਰ ਲਏ ਗਏ ਹਨ।
ਓਨਟਾਰੀਓ ਵੱਲੋਂ 1 ਮਿਲੀਅਨ ਟੈਸਟਿੰਗ ਕਿੱਟਾਂ ਦਾ ਆਰਡਰ ਦਿੱਤਾ ਗਿਆ ਅਤੇ ਐਲਬਰਟਾ 100,000 ਕਿੱਟਾਂ ਦੀ ਉਡੀਕ ਵਿੱਚ ਹੈ।
ਹੈਲਥ ਕੈਨੇਡਾ ਵੱਲੋਂ ਇਸ ਯੰਤਰ ਨੂੰ ਸ਼ਨੀਵਾਰ ਨੂੰ ਹਰੀ ਝੰਡੀ ਦੇ ਦਿੱਤੀ ਗਈ ਸੀ ਅਤੇ ਸਪਾਰਟਨ ਮੁਤਾਬਕ ਉਨ੍ਹਾਂ ਵੱਲੋਂ ਸ਼ਿਪਮੈਂਟ ਜਲਦ ਤੋਂ ਜਲਦ ਭੇਜੀਆਂ ਜਾਣਗੀਆਂ।
ਕੰਪਨੀ ਮੁਤਾਬਕ ਇਹ ਟੈਸਟ ਹਵਾਈ ਅੱਡਿਆਂ, ਬਾਰਡਰ ਕਰਾਸਿੰਗ, ਡਾਕਟਰ ਦੇ ਦਫ਼ਤਰਾਂ, ਫਾਰਮੇਸੀਆਂ ਅਤੇ ਕਲੀਨਿਕਾਂ ਵਿੱਚ ਕੀਤੇ ਜਾ ਸਕਣਗੇ।
