15.03C Vancouver 15.03C VancouverMar 5, 2020 4:31 PM -
ਕਿਊਬੈਕ ਦੇ ਸਿਹਤ ਅਧਿਕਾਰੀਆਂ ਮੁਤਾਬਕ ਸੂਬੇ ਵਿੱਚ ਕਰੋਨਾਵਾਇਰਸ ਦਾ ਦੂਸਰਾ ਸੰਭਾਵਤ ਕੇਸ ਸਾਹਮਣੇ ਆਇਆ ਹੈ।
ਸੂਬੇ ਦੇ ਸਿਹਤ ਵਿਭਾਗ ਦਾ ਕਹਿਣਾ ਹੈ ਕਿ ਮਰੀਜ਼ ਹਾਲ ਹੀ ਵਿੱਚ ਬਾਹਰੋਂ ਸਫ਼ਰ ਕਰਕੇ ਆਇਆ ਹੈ।
ਕਿਊਬੈਕ ਦੇ ਪਬਲਿਕ ਹੈਲਥ ਲੈਬ ਵੱਲੋਂ ਕੀਤੇ ਗਏ ਮਰੀਜ਼ ਦੇ ਟੈਸਟ ਪਾਜ਼ੀਟਿਵ ਆਏ ਹਨ ਪਰ ਵਿਨੀਪੈੱਗ ਵਿੱਚ ਸਥਿਤ ਨੈਸ਼ਨਲ ਮਾਈਕ੍ਰੋਬਾਇਓਲੋਜੀ ਲੈਬ ਤੋਂ ਟੈੱਸਟ ਦੇ ਨਤੀਜਿਆਂ ਦੀ ਪੁਸ਼ਟੀ ਹੋਣੀ ਬਾਕੀ ਹੈ।
ਜੇ ਲੈਬ ਦੇ ਟੈਸਟ ਪਾਜ਼ੀਟਿਵ ਆਉਂਦੇ ਹਨ ਤਾਂ ਇਹ ਕੈਨੇਡਾ ਵਿੱਚ ਕੋਵਿੱਡ 19 ਦਾ ਪੈਂਤੀਵਾਂ ਕੇਸ ਹੋਵੇਗਾ।
ਕੈਨੇਡਾ ਦੇ ਵਿੱਚ ਕਰੋਨਾਵਾਇਰਸ ਤੋਂ ਪੀੜਤ ਬਾਕੀ ਵਿਅਕਤੀ ਬ੍ਰਿਟਿਸ਼ ਕੋਲੰਬੀਆ ਜਾਂ ਓਨਟਾਰੀਓ ਤੋਂ ਹਨ।
ਕਿਊਬੈਕ ਦੇ ਵਿੱਚ ਪੀੜਤ ਵਿਅਕਤੀ ਦੀ ਹਾਲਤ ਅਤੇ ਵਧੇਰੇ ਜਾਣਕਾਰੀ ਫਿਲਹਾਲ ਸਾਂਝੀ ਨਹੀਂ ਕੀਤੀ ਗਈ।
