ਮੌਹਲੇਧਾਰ ਮੀਂਹ ਨਾਲ ਦੇਹਰਾਦੂਨ-ਰਾਨੀਪੋਖਰੀ-ਰਿਸ਼ੀਕੇਸ਼ ਹਾਈਵੇਅ ਦਾ ਬਦਲਵਾਂ ਰਾਹ ਰੁੜ੍ਹਿਆ

ਕੈਲਗਰੀ ਵਿੱਚ ਭਾਰੀ ਮੀਂਹ ਦੀ ਚਿਤਾਵਨੀ ਅਜੇ ਵੀ ਲਾਗੂ ਹੈ ਅਤੇ ਅਧਿਕਾਰੀ ਨਦੀਆਂ ਦੀ ਸਥਿਤੀ 'ਤੇ ਲਗਾਤਾਰ ਨੇੜਿਓਂ ਨਜ਼ਰ ਰੱਖ ਰਹੇ ਹਨ।ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ ਅੱਜ ਕੈਲਗਰੀ ਵਿੱਚ 10 ਮਿਲੀਮੀਟਰ ਹੋਰ ਮੀਂਹ ਪੈ ਸਕਦਾ ਹੈ, ਜਿਸ ਤੋਂ ਬਾਅਦ ਇਸ ਦੀ ਰਫਤਾਰ ਘੱਟ ਜਾਵੇਗੀ। ਸੂਬੇ ਦੇ ਕੁਝ ਹਿੱਸਿਆਂ ਵਿੱਚ ਸ਼ਨੀਵਾਰ ਸ਼ਾਮ ਤੋਂ ਲੈ ਕੇ ਹੁਣ ਤੱਕ 120 ਮਿਲੀਮੀਟਰ ਤੋਂ ਵੀ ਵੱਧ ਬਾਰਿਸ਼ ਦਰਜ ਕੀਤੀ ਜਾ ਚੁੱਕੀ ਹੈ।

ਸਰੀ ਪੁਲਿਸ ਬੋਰਡ ਨੇ ਚੀਫ਼ ਕਾਂਸਟੇਬਲ ਨੌਰਮ ਲਿਪਿੰਸਕੀ ਦੇ ਅਹੁਦਾ ਛੱਡਣ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਉਨ੍ਹਾਂ ਦੀ ਥਾਂ ਡਿਪਟੀ ਚੀਫ਼ ਕਾਂਸਟੇਬਲ ਟੌਡ ਮਾਤਸੁਮੋਟੋ ਨੂੰ ਤੁਰੰਤ ਪ੍ਰਭਾਵ ਨਾਲ ਸਰੀ ਪੁਲਿਸ ਸਰਵਿਸ ਦਾ ਅੰਤਰਿਮ ਚੀਫ਼ ਕਾਂਸਟੇਬਲ ਨਿਯੁਕਤ ਕੀਤਾ ਗਿਆ ਹੈ। ਬੋਰਡ ਨੇ ਆਪਣੇ ਸਾਰੇ ਭਾਈਵਾਲਾਂ ਅਤੇ ਸਥਾਨਕ ਨਿਵਾਸੀਆਂ ਨੂੰ ਭਰੋਸਾ ਦਿਵਾਇਆ ਹੈ ਕਿ ਇਸ ਅਚਾਨਕ ਹੋਈ ਤਬਦੀਲੀ ਦੇ ਬਾਵਜੂਦ ਸ਼ਹਿਰ ਦੀ ਪਬਲਿਕ ਸੇਫਟੀ ਅਤੇ ਪੁਲਿਸ ਸੇਵਾਵਾਂ ਵਿਚ ਕੋਈ ਰੁਕਾਵਟ ਨਹੀਂ ਆਵੇਗੀ।

ਕੈਨੇਡਾ ਦੀ ਪ੍ਰਭੂਸੱਤਾ 'ਤੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਫਿਰ ਤਾਜ਼ਾ ਹਮਲਾ ਬੋਲਿਆ ਹੈ, ਜਿਸ 'ਤੇ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਪਲਟਵਾਰ ਕੀਤਾ ਹੈ। ਮੰਗਲਵਾਰ ਸਵੇਰੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਇੱਕ ਪੋਸਟ ਵਿਚ ਫੋਰਡ ਨੇ ਲਿਖਿਆ ਕਿ ਕੈਨੇਡਾ ਕਦੇ ਵੀ ਅਮਰੀਕਾ ਦਾ 51ਵਾਂ ਸੂਬਾ ਨਹੀਂ ਬਣੇਗਾ ਅਤੇ ਇਹ ਕੋਈ ਵਿਕਾਊ ਨਹੀਂ ਹੈ।

ਪ੍ਰਿੰਸ ਜਾਰਜ ਦੇ ਇੱਕ ਵਿਅਕਤੀ ਨੂੰ Intimate Partner Violence ਦੇ ਮਾਮਲੇ ਵਿਚ ਅਦਾਲਤ ਨੇ 15 ਮਹੀਨਿਆਂ ਦੀ Conditional Sentence, 36 ਮਹੀਨਿਆਂ ਦੀ ਪ੍ਰੋਬੇਸ਼ਨ ਅਤੇ ਡੀ.ਐਨ.ਏ. ਸਬਮਿਟ ਕਰਵਾਉਣ ਦੀ ਸਜ਼ਾ ਸੁਣਾਈ ਹੈ। 47 ਸਾਲਾ ਪ੍ਰਿੰਸ ਜਾਰਜ ਨਿਵਾਸੀ ਰਾਇਨ ਟਿਮੋਥੀ ਚਿਆਪੀ ਨੇ Intimate Partner Violence ਦੇ ਮਾਮਲੇ ਵਿਚ ਅਪ੍ਰੈਲ ਵਿਚ ਸਰੀਰਕ ਨੁਕਸਾਨ ਪਹੁੰਚਾਉਣ ਦੇ ਦੋ ਚਾਰਜਿਜ਼ ਅਤੇ ਕੁੱਟਮਾਰ ਦੇ ਇੱਕ ਮਾਮਲੇ ਵਿਚ ਆਪਣਾ ਗੁਨਾਹ ਕਬੂਲ ਕੀਤਾ ਸੀ।

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਇਸ ਹਫ਼ਤੇ ਕਿਊਬੈਕ ਵਿੱਚ ਉੱਥੋਂ ਦੀ ਪ੍ਰੀਮੀਅਰ ਕ੍ਰਿਸਟੀਨ ਫ੍ਰੈਚੇਟ ਨਾਲ ਮੁਲਾਕਾਤ ਕਰਨ ਜਾ ਰਹੀ ਹੈ। ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਹੋਣ ਵਾਲੀਆਂ ਇਨ੍ਹਾਂ ਮੀਟਿੰਗਾਂ ਦੌਰਾਨ ਵੱਖਵਾਦ, ਈਸਟ-ਵੈਸਟ ਐਨਰਜੀ ਕੋਰੀਡੋਰ, ਵਪਾਰ, ਨਿਵੇਸ਼ ਅਤੇ Provincial autonomy ਵਰਗੇ ਅਹਿਮ ਮੁੱਦਿਆਂ 'ਤੇ ਚਰਚਾ ਹੋਣ ਦੀ ਉਮੀਦ ਹੈ।