15.73C Vancouver 15.73C VancouverNov 16, 2021 11:10 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਵਿਅਕਤੀ ਦਾ ਸਕੈੱਚ ਜਾਰੀ ਕੀਤਾ ਗਿਆ ਹੈ।
ਇਸ ਵਿਅਕਤੀ ਨੂੰ ਜਿਨਸੀ ਹਮਲੇ ਦੇ ਮਾਮਲੇ ਸੰਬੰਧੀ ਭਾਲਿਆ ਜਾ ਰਿਹਾ ਹੈ।
ਘਟਨਾ ਇਸ ਵੀਕਐਂਡ ਦੌਰਾਨ ਹੌਥੋਰਨ ਪਾਰਕ ਕੋਲ ਵਾਪਰੀ ਸੀ।
13 ਨਵੰਬਰ ਨੂੰ ਮੱਧਰਾਤ ਤੋਂ ਬਾਅਦ ਪੁਲਿਸ ਨੂੰ ਕਿਸੇ ਦੇ ਰੌਲਾ ਪਾਉਣ ਅਤੇ ਚੀਕਾਂ ਮਾਰਨ ਦੀ ਰਿਪੋਰਟ ਮਿਲੀ ਸੀ।
106 ਐਵੀਨਿਊ ਅਤੇ 142 ਸਟ੍ਰੀਟ ਦੇ ਕੋਲ ਪੁਲਿਸ ਨੂੰ ਸੱਦਿਆ ਗਿਆ ਸੀ।
ਪੁਲਿਸ ਇਸ ਇਲਾਕੇ 'ਚ ਪਹੁੰਚੀ ਤਾਂ ਇੱਕ ਔਰਤ ਬਾਰੇ ਪਤਾ ਲੱਗਿਆ ਜਿਸ 'ਤੇ ਜਿਸਮਾਨੀ ਅਤੇ ਜਿਨਸੀ ਹਮਲਾ ਕੀਤਾ ਗਿਆ ਸੀ।
ਪੀੜਤ ਔਰਤ ਦੀ ਇੱਕ ਵਿਅਕਤੀ ਨਾਲ ਕਿੰਗ ਜੌਰਜ ਬੁਲੇਵਾਰਡ ਦੇ 10500 ਬਲੌਕ 'ਤੇ ਮੁਲਾਕਾਤ ਹੋਈ ਸੀ।
ਦੋਵੇਂ ਇਕੱਠੇ ਤੁਰਨ ਲੱਗੇ ਅਤੇ ਇਸੇ ਦੌਰਾਨ ਦੋਵਾਂ ਨੇ ਇੱਕ ਜੰਗਲੀ ਇਲਾਕੇ ਵਿੱਚੋਂ ਲੰਘ ਕੇ ਇੱਕ ਲੋਕੇਸ਼ਨ ਤਕ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ।
ਇਸੇ ਦੁਰਨ ਪੀੜਤ ਔਰਤ 'ਤੇ ਹਮਲਾ ਕਰ ਦਿੱਤਾ ਗਿਆ।
ਪੀੜਤ ਔਰਤ ਦੇ ਜਖਮ ਜਾਨਲੇਵਾ ਨਹੀਂ ਦੱਸੇ ਗਏ ਸਨ।
ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਸ਼ੱਕੀ ਵਿਅਕਤੀ ਦਾ ਕੱਦ ਕਰੀਬ 6 ਫੁੱਟ ਅਤੇ ਉਸ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਦੱਸੀ ਗਈ ਹੈ।
ਸ਼ੱਕੀ ਨੂੰ ਕੌਕੇਸ਼ੀਅਨ ਮੂਲ ਦਾ ਵਿਅਕਤੀ ਦੱਸਿਆ ਗਿਆ ਹੈ।
