13.78C Vancouver 13.78C VancouverNov 3, 2021 7:32 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਲਾਪਤਾ ਜੋੜੇ ਦੀ ਭਾਲ 'ਚ ਮਦਦ ਦੀ ਅਪੀਲ ਕੀਤੀ ਗਈ ਹੈ।
ਦੋਵਾਂ ਨੂੰ 31 ਅਕਤੂਬਰ ਨੂੰ ਲਾਪਤਾ ਕਰਾਰ ਦਿੱਤਾ ਗਿਆ ਸੀ।
ਮੈਥਿਊ ਸਵਾਟਸਕੀ ਅਤੇ ਜਨਾਏ ਸਵਾਟਸਕੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਪੁਲਿਸ ਨੇ ਦੱਸਿਆ ਕਿ ਦੋਵਾਂ ਨੂੰ ਆਖਰੀ ਵਾਰ 67A ਐਵੀਨਿਊ ਦੇ 14500 ਬਲੌਕ 'ਤੇ ਸਥਿਤ ਆਪਣੇ ਘਰ 'ਚ 31 ਅਕਤੂਬਰ ਨੂੰ ਸਵੇਰੇ ਕਰੀਬ 9 ਵਜੇ ਵੇਖਿਆ ਗਿਆ ਸੀ।
ਪਰਿਵਾਰ ਅਤੇ ਪੁਲਿਸ ਦੀਆਂ ਦੋਵਾਂ ਨਾਲ ਸੰਪਰਕ ਸਥਾਪਿਤ ਕਰਨ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ ਹਨ।
ਮੈਥਿਊ ਸਵਾਟਸਕੀ ਦੀ ਉਮਰ 23 ਸਾਲ ਅਤੇ ਉਸ ਦਾ ਕੱਦ ਕਰੀਬ 5'10" ਦੱਸਿਆ ਗਿਆ ਹੈ।
ਉਹ ਕੌਕੇਸ਼ੀਅਨ ਮੂਲ ਦਾ ਵਿਅਕਤੀ ਹੈ।
ਜਨਾਏ ਸਵਾਟਸਕੀ ਦੀ ਉਮਰ 22 ਸਾਲ ਅਤੇ ਉਸ ਦਾ ਕੱਦ ਕਰੀਬ 5'4" ਦੱਸਿਆ ਗਿਆ ਹੈ।
ਉਹ ਕੌਕੇਸ਼ੀਅਨ ਮੂਲ ਦੀ ਔਰਤ ਹੈ।
ਇਹ ਵੀ ਦੱਸਿਆ ਗਿਆ ਕਿ ਜਨਾਏ ਦੇ ਸ਼ਰੀਰ 'ਤੇ ਕਈ ਟੈਟੂ ਬਣੇ ਹੋਏ ਹਨ ਜਿਸ 'ਚ ਉਸ ਦੇ ਖੱਬੇ ਹੱਥ ਦੇ ਗੁੱਟ 'ਤੇ ਬਣਿਆ ਪਹਾੜਾਂ ਦਾ ਟੈਟੂ ਵੀ ਸ਼ਾਮਿਲ ਹੈ।
ਇਸ ਜੋੜੇ ਦੇ ਇੱਕ ਕਾਲੇ ਰੰਗ ਦੇ 2021 ਡੌਜ ਰੈਮ ਵਾਹਨ 'ਚ ਸਵਾਰ ਹੋਣ ਦਾ ਸ਼ੱਕ ਹੈ।
ਇਸ ਵਾਹਨ ਦਾ ਲਾਈਸੈਂਸ ਪਲੇਟ RS0114 ਦੱਸਿਆ ਗਿਆ ਹੈ।
