28.77C Vancouver 28.77C VancouverFeb 19, 2020 4:28 PM -
ਬੀ.ਸੀ. ਵਿੱਚ ਉਸਾਰੀ ਜਾਣ ਵਾਲੀ ਨੈਚੁਰਲ ਗੈਸ ਪਾਈਪ ਲਾਈਨ ਦਾ ਵਿਰੋਧ ਕਰ ਰਹੇ ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫਜ਼ (Wet'su'wet'en hereditary chiefs) ਦਾ ਕਹਿਣਾ ਹੈ ਕਿ ਉਹ ਓਦੋਂ ਤੱਕ ਕ੍ਰਾਊਨ ਇੰਡਿਜਨਸ ਰਿਲੇਸ਼ਨਜ਼ ਮਨਿਸਟਰ ਕੈਰਿਲਨ ਬੈਨੈੱਟ ਅਤੇ ਬੀ.ਸੀ. ਦੇ ਇੰਡਿਜਨਸ ਰਿਲੇਸ਼ਨਜ਼ ਮਨਿਸਟਰ ਸਕਾਟ ਫਰੇਜ਼ਰ ਨੂੰ ਨਹੀਂ ਮਿਲਣਗੇ ਜਦੋਂ ਤੱਕ ਬੀ.ਸੀ. ਦੇ ਇੱਕ ਇਕਾਂਤ ਇਲਾਕੇ ਵਿੱਚ ਉਨ੍ਹਾਂ ਦੀ ਜ਼ਮੀਨ ਤੇ ਸਥਿਤ ਇੱਕ ਛੋਟੀ ਆਰ.ਸੀ.ਐੱਮ.ਪੀ ਡਿਟੈਚਮੈਂਟ ਨੂੰ ਨਹੀਂ ਹਟਾਇਆ ਜਾਂਦਾ।
ਇਸ ਵਕਤ ਦੇਸ਼ ਭਰ ਦੇ ਵਿੱਚ ਰੇਲ ਦੀਆਂ ਪਟੜੀਆਂ ਦੇ ਨਜ਼ਦੀਕ ਲਾਏ ਗਏ ਨਾਕਿਆਂ ਨੂੰ ਹਟਾਉਣ ਸੰਬੰਧੀ ਚੱਲ ਰਹੇ ਵਿਚਾਰ ਵਟਾਂਦਰੇ ਦੌਰਾਨ ਇਹ ਮੁੱਦਾ ਉਭਾਰਿਆ ਜਾ ਰਿਹਾ ਹੈ।
ਸਸਕੈਚਵਨ ਦੇ ਪ੍ਰੀਮੀਅਰ ਸਕਾਟ ਮੋ ਵੱਲੋਂ ਅੱਜ ਬਾਕੀ ਸੂਬਿਆਂ ਦੇ ਪ੍ਰੀਮੀਅਰਜ਼ ਦੇ ਨਾਲ ਇੱਕ ਕਾਨਫਰੰਸ ਕਾਲ ਆਯੋਜਿਤ ਕੀਤੀ ਜਾਵੇਗੀ।
ਮੋ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਇਨ੍ਹਾਂ ਨਾਕਿਆਂ ਨੂੰ ਹਟਾਉਣ ਵਾਸਤੇ ਚੁੱਕੇ ਜਾ ਰਹੇ ਕਦਮਾਂ ਦੀ ਆਲੋਚਨਾ ਕੀਤੀ ਗਈ ਹੈ।
