14.04C Vancouver 14.04C VancouverSep 8, 2020 10:38 PM -
ਵਾਸ਼ਿੰਗਟਨ ਸਟੇਟ 'ਚ ਬਲਦੀਆਂ ਕਈ ਵਾਈਲਡਫਾਇਰਸ ਦਾ ਧੂਆਂ ਵੈਨਕੂਵਰ ਆਈਲੈਂਡ 'ਤੇ ਦਸਤਕ ਦੇ ਰਿਹਾ ਹੈ ਅਤੇ ਇਸ ਦੇ ਚਲਦਿਆਂ ਵਿਕਟੋਰੀਆ ਅਤੇ ਸਾਨੀਚ ਵਿੱਚ ਸਭ ਤੋਂ ਉੱਚ ਪੱਧਰ ਦੀ ਹਵਾ ਦੀ ਗੁਣਵੱਤਾ ਸੰਬੰਧੀ ਖਤਰੇ ਦੀ ਰੇਟਿੰਗ ਜਾਰੀ ਕੀਤੀ ਗਈ ਹੈ।
ਐਨਵਾਇਰਨਮੈਂਟ ਕੈਨੇਡਾ ਵੱਲੋਂ ਏਅਰ ਕਵਾਲਿਟੀ ਇੰਡੈਕਸ 'ਤੇ ਦੋਨਾਂ ਸ਼ਹਿਰਾਂ ਲਈ 10 ਪਲੱਸ ਦੀ ਰੇਟਿੰਗ ਜਾਰੀ ਕੀਤੀ ਗਈ ਹੈ।
ਇਸ ਤੋਂ ਇਲਾਵਾ ਵੈਸਟਸ਼ੋਰ ਲਈ 10 ਦੀ ਰੇਟਿੰਗ ਜਾਰੀ ਕੀਤੀ ਗਈ ਹੈ।
ਇਸ ਦਾ ਅਰਥ ਹੈ ਕਿ ਸਖਤ ਬਾਹਰੀ ਗਤੀਵਿਧੀਆਂ ਤੋਂ ਬਚਾਅ ਕਰਨ ਨੂੰ ਕਿਹਾ ਗਿਆ ਹੈ ਅਤੇ ਬੱਚਿਆਂ ਅਤੇ ਬੁਜ਼ੁਰਗਾਂ ਨੂੰ ਘਰ 'ਚ ਹੀ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
ਹਾਲਾਂਕਿ ਕੱਲ ਤੱਕ ਹਾਲਾਤਾਂ 'ਚ ਸੁਧਾਰ ਹੋਣ ਦੇ ਆਸਾਰ ਦੱਸੇ ਗਏ ਹਨ।
ਇਸ ਤੋਂ ਇਲਾਵਾ ਬੀ.ਸੀ. ਦੇ ਦੱਖਣਪੂਰਬ 'ਚ ਬਲ ਰਹੀ ਇੱਕ ਜੰਗਲ ਦੀ ਅੱਗ ਕਾਰਨ ਉੱਠ ਰਿਹਾ ਧੂਆਂ ਵੀ ਪ੍ਰੇਸ਼ਾਨੀ ਦਾ ਕਾਰਨ ਬਣਿਆ ਹੋਇਆ ਹੈ।
ਕਰੈਨਬਰੁਕ ਅਤੇ ਕੁਝ ਹੋਰ ਇਲਾਕਿਆਂ 'ਚ ਇਸ ਕਾਰਨ ਹਾਲਾਤ ਵਧੇਰੇ ਖਤਰੇ ਵਾਲੇ ਰਹਿਣ ਦੀ ਗੱਲ ਆਖੀ ਗਈ ਹੈ।
ਦੱਖਣੀ ਬੀ.ਸੀ. ਲਈ 'ਹੀਟ ਵੇਵ' ਸੰਬੰਧੀ ਸਪੈਸ਼ਲ ਵੈਦਰ ਸਟੇਟਮੈਂਟ ਵੀ ਜਾਰੀ ਕੀਤੀ ਗਈ ਹੈ।
