17.02C Vancouver 17.02C VancouverJan 24, 2022 9:28 PM - The Canadian Press
ਫਰੇਜ਼ਰ ਕੈਨੇਅਨ ਦੇ ਇਲਾਕੇ 'ਚ ਹਾਈਵੇਅ 1 'ਤੇ ਫਿਰ ਤੋਂ ਆਵਾਜਾਈ ਸ਼ੁਰੂ ਹੋ ਗਈ ਹੈ।
ਇਸ ਰਸਤੇ ਨੂੰ ਸਾਰੇ ਟਰੈਫਿਕ ਲਈ ਖੋਲ੍ਹ ਦਿੱਤਾ ਗਿਆ ਹੈ।
ਨਵੰਬਰ ਦੇ ਵਿੱਚ ਇਸ ਇਲਾਕੇ 'ਚ ਹੜ੍ਹਾਂ ਅਤੇ ਮਡਸਲਾਈਡਸ ਵਿਚਾਲੇ ਪਹੁੰਚੇ ਨੁਕਸਾਨ ਤੋਂ ਬਾਅਦ ਰਸਤੇ 'ਤੇ ਆਵਾਜਾਈ ਪ੍ਰਭਾਵਿਤ ਹੋਈ ਸੀ।
ਟਰਾਂਸਪੋਰਟੇਸ਼ਨ ਮੰਤਰਾਲੇ ਦਾ ਕਹਿਣਾ ਹੈ ਕਿ ਅੱਜ ਦੁਪਹਿਰ ਦੇ ਸਮੇਂ ਤੋਂ ਇਸ ਰੂਟ ਨੂੰ ਖੋਲ੍ਹ ਦਿੱਤਾ ਗਿਆ ਹੈ।
ਇਸ ਨੂੰ ਲੋਅਰ ਮੇਨਲੈਂਡ ਅਤੇ ਇੰਟੀਰੀਅਰ ਵਿਚਾਲੇ ਦਾ ਅਹਿਮ ਲਿੰਕ ਦੱਸਿਆ ਜਾਂਦਾ ਹੈ।
ਹਾਲਾਂਕਿ ਮੰਤਰਾਲੇ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਹੈ ਕਿ ਰਸਤਾ ਖੁੱਲ੍ਹਣ ਦੇ ਬਾਵਜੂਦ ਕਈ ਥਾਵਾਂ 'ਤੇ ਮਰੱਮਤ ਦਾ ਕੰਮ ਜਾਰੀ ਹੋਣ ਕਾਰਨ 2 ਘੰਟੇ ਤਕ ਦੇ ਅੜਿੱਕਿਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਸੇ ਰਸਤੇ 'ਤੇ ਜੈਕਐਸ ਮਾਊਂਟੇਨ ਦੇ 80 ਮੀਟਰ ਲੰਮੇ ਪੁਲ 'ਤੇ ਵੀ ਮਰੱਮਤ ਦਾ ਕੰਮ ਜਾਰੀ ਹੈ।
ਇੱਥੇ ਸਿੰਗਲ ਲੇਨ ਆਲਟਰਨੇਟਿੰਗ ਟਰੈਫਿਕ ਦੀ ਆਵਾਜਾਈ ਜਾਰੀ ਰੱਖੀ ਗਈ ਹੈ।
ਟਰਾਂਸਪੋਰਟੇਸ਼ਨ ਮੰਤਰੀ ਰੌਬ ਫਲੈਮਿੰਗ ਦਾ ਕਹਿਣਾ ਹੈ ਕਿ ਕਰਿਊਸ ਨੇ ਬੇਹੱਦ ਕਮਾਲ ਦਾ ਕੰਮ ਕਰ ਕੇ ਵਿਖਾਇਆ ਹੈ ਅਤੇ ਉਸੇ ਕਾਰਨ ਇਸ ਹਿੱਸੇ ਨੂੰ ਜਲਦੀ ਖੋਲ੍ਹਿਆ ਜਾ ਸਕਿਆ ਹੈ।
