14.17C Vancouver 14.17C VancouverDec 11, 2021 1:23 AM - Connect News
ਐਬਟਸਫੋਰਡ ਤੇ ਮਿਸ਼ਨ ਵਿਚਾਲੇ ਹਾਈਵੇਅ 11 ਨੂੰ ਕਮਰਸ਼ਲ ਵਾਹਨਾਂ ਲਈ ਵੀ ਖੋਲ ਦਿੱਤਾ ਗਿਆ ਹੈ।
ਇਸ ਦੀ ਜਾਣਕਾਰੀ ਅੱਜ ਜਾਰੀ ਕੀਤੀ ਗਈ ਹੈ।
ਹੇਜ਼ਲਵੁਡ ਐਵੀਨਿਊ ਅਤੇ ਕਲੇਬਰਨ ਰੋਡ ਵਿਚਾਲੇ ਹਾਈਵੇਅ 11 ਨੂੰ ਆਮ ਆਵਾਜਾਈ ਲਈ ਵਰਤਣਾ ਸ਼ੁਰੂ ਹੋ ਗਿਆ ਹੈ।
ਇਸ ਤੋਂ ਪਹਿਲਾਂ 6 ਦਿਸੰਬਰ ਨੂੰ ਇਸ ਹਾਈਵੇਅ 'ਤੇ ਪਸੈਂਜਰ ਅਤੇ ਐਮਰਜੈਂਸੀ ਵਾਹਨਾਂ ਦੀ ਆਵਾਜਾਈ ਸ਼ੁਰੂ ਕੀਤੀ ਗਈ ਸੀ।
ਹਾਲਾਂਕਿ ਵਾਹਨ ਚਾਲਕਾਂ ਨੂੰ ਦੱਸਿਆ ਗਿਆ ਹੈ ਕਿ ਇਸ ਹਾਈਵੇਅ 'ਤੇ ਆਵਾਜਾਈ ਦੀ ਰਫਤਾਰ ਹਾਲ ਦੀ ਘੜੀ ਧੀਮੀ ਰਹਿ ਸਕਦੀ ਹੈ।
ਸਾਊਥਬਾਊਂਡ ਲੇਨ ਵਿੱਚ ਦੋਵਾਂ ਦਿਸ਼ਾਵਾਂ 'ਚ ਆਵਾਜਾਈ ਸ਼ੁਰੂ ਕੀਤੀ ਗਈ ਹੈ।
ਦੋਵੇਂ ਨੌਰਥਬਾਊਂਡ ਲੇਨਸ ਨੂੰ ਹਾਲ ਦੀ ਘੜੀ ਬੰਦ ਰੱਖਿਆ ਗਿਆ ਹੈ।
ਇਸ ਰਸਤੇ ਤੋਂ ਟਰੈਵਲ ਆਰਡਰ ਹਟਾਏ ਜਾਣ ਦੇ ਬਾਵਜੂਦ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਇਸ ਇਲਾਕੇ 'ਚ ਗੈਰਜਰੂਰੀ ਯਾਤਰਾ ਤੋਂ ਬਚਾਅ ਕੀਤਾ ਜਾਵੇ।
