14.26C Vancouver 14.26C VancouverSep 24, 2020 9:21 PM -
ਮੂਡੀਜ਼ ਐਨਾਲਿਟਿਕਸ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਘਰਾਂ ਦੀਆਂ ਕੀਮਤਾਂ 'ਚ ਸਾਲ 2021 ਦੌਰਾਨ, 7% ਤੱਕ ਦੀ ਗਿਰਾਵਟ ਆ ਸਕਦੀ ਹੈ।
ਰੀਅਲ ਐਸਟੇਟ 'ਤੇ ਬੇਰੁਜ਼ਗਾਰੀ ਦਾ ਪ੍ਰਭਾਵ ਪੈਣ ਦੀ ਸੰਭਾਵਨਾ ਦੱਸੀ ਗਈ ਹੈ।
ਫਾਈਨੈਂਸ਼ੀਅਲ ਇੰਟੈਲੀਜੈਂਸ ਕੰਪਨੀ ਦਾ ਕਹਿਣਾ ਹੈ ਕਿ ਕੈਲਗਰੀ ਅਤੇ ਐਡਮਿੰਟਨ 'ਚ ਨਵੇਂ ਸਿੰਗਲ ਫੈਮਲੀ ਘਰਾਂ ਦੀ ਓਵਰਸਪਲਾਈ ਵੇਖਣ ਨੂੰ ਮਿਲ ਰਹੀ ਹੈ, ਜਦਕਿ ਵੈਨਕੂਵਰ ਅਤੇ ਟੋਰੌਂਟੋ 'ਚ ਵੀ ਅਫੋਰਡੇਬਿਲਿਟੀ ਮਸਲੇ ਉਜਾਗਰ ਹੋ ਰਹੇ ਹਨ।
ਹਾਲਾਂਕਿ ਮੂਡੀਜ਼ ਦੀ ਰਿਪੋਰਟ 'ਚ ਇਹ ਨਹੀਂ ਦੱਸਿਆ ਗਿਆ ਹੈ ਕਿ ਇਹ ਅਨੁਮਾਨ ਕਿਸ ਆਧਾਰ 'ਤੇ ਲਗਾਏ ਜਾ ਰਹੇ ਹਨ।
ਹਾਲਾਂਕਿ 2021 'ਚ ਹੋਮ ਪ੍ਰਾਈਸ ਇੰਡੈਕਸ 'ਚ ਸਿੰਗਲ ਫੈਮਲੀ ਘਰਾਂ 'ਚ 6.7% ਦੀ ਗਿਰਾਵਟ ਅਤੇ ਕੌਂਡੋ ਅਪਾਰਟਮੈਂਟਸ 'ਚ 6.5% ਦੀ ਗਿਰਾਵਟ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਯਾਦ ਰਹੇ ਇਹ ਅਨੁਮਾਨ ਉਸ ਵੇਲੇ ਉਜਾਗਰ ਹੋਏ ਹਨ, ਜਦ ਕਨੇਡੀਅਨ ਰੀਅਲ ਐਸਟੇਟ ਐਸੋਸੀਏਸ਼ਨ ਨੇ ਜੁਲਾਈ ਅਤੇ ਅਗਸਤ 'ਚ ਘੱਟ ਮੌਰਟਗੇਜ ਰੇਟਸ ਵਿਚਾਲੇ, ਘਰਾਂ ਦੀ ਰਿਕਾਰਡਤੋੜ ਵਿਕਰੀ ਰਿਪੋਰਟ ਕੀਤੀ ਸੀ।
ਹਾਲਾਂਕਿ ਮੂਡੀਜ਼ ਦੀ ਰਿਪੋਰਟ ਅਨੁਸਾਰ ਜੇਕਰ 2021 ਦੇ ਅੰਤ ਤੱਕ ਕੋਵਿਡ-19 ਦੀ ਵੈਕਸੀਨ ਮਿਲ ਜਾਂਦੀ ਹੈ, ਤਾਂ 2022 ਤੱਕ ਘਰਾਂ ਦੀਆਂ ਕੀਮਤਾਂ ਮੁੜ ਤੋਂ ਠੀਕ ਹੋ ਸਕਦੀਆਂ ਹਨ।
