14.56C Vancouver 14.56C VancouverMar 2, 2022 9:27 PM - The Canadian Press
ਰੀਅਲ ਐਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ 'ਚ ਘਰਾਂ ਦੀ ਵਿਕਰੀ ਨੇ ਜਨਵਰੀ ਅਤੇ ਫਰਵਰੀ ਵਿਚਾਲੇ 50% ਦੀ ਛਾਲ ਮਾਰੀ ਹੈ।
ਬੋਰਡ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ 'ਚ ਬੀਤੇ ਮਹੀਨੇ 3,424 ਘਰਾਂ ਦੀ ਵਿਕਰੀ ਵੇਖਣ ਨੂੰ ਮਿਲੀ।
ਇਸ ਨੂੰ ਫਰਵਰੀ 2021 'ਚ ਹੋਈਆਂ 3,727 ਵਿਕਰੀਆਂ ਦੇ ਮੁਕਾਬਲੇ 8.1% ਦੀ ਗਿਰਾਵਟ ਦੱਸਿਆ ਗਿਆ।
ਹਾਲਾਂਕਿ ਇਸੇ ਸਾਲ ਜਨਵਰੀ 'ਚ ਹੋਈਆਂ 2,285 ਵਿਕਰੀਆਂ ਦੇ ਮੁਕਾਬਲੇ ਇਸ ਨੂੰ 49.8% ਦਾ ਵਾਧਾ ਦੱਸਿਆ ਗਿਆ।
ਬੋਰਡ ਦਾ ਕਹਿਣਾ ਹੈ ਕਿ ਫਰਵਰੀ ਦੀਆਂ ਵਿਕਰੀਆਂ ਬੀਤੇ 10 ਸਾਲ ਦੀ ਔਸਤ ਮੁਕਾਬਲੇ 27% ਦਾ ਵਾਧਾ ਦਰਸ਼ਾਉਂਦੀਆਂ ਹਨ।
ਫਰਵਰੀ 2021 'ਚ ਦਰਜ ਹੋਈਆਂ 5,048 ਲਿਸਟਿੰਗਸ ਮੁਕਾਬਲੇ ਬੀਤੇ ਮਹੀਨੇ 5,471 ਲਿਸਟਿੰਗਸ ਦਰਜ ਕੀਤੀਆਂ ਗਈਆਂ ਜੋ ਕਿ 8.4% ਦਾ ਵਾਧਾ ਦਰਸ਼ਾਉਂਦੀਆਂ ਹਨ।
