15.67C Vancouver 15.67C VancouverJul 1, 2020 3:36 PM -
ਚੀਨ ਵੱਲੋਂ ਹੌਂਗ ਕੌਂਗ ਲਈ ਘੜੇ ਗਏ ਨਵੇਂ ਸੁਰੱਖਿਆ ਕਾਨੂੰਨ ਦੇ ਤਹਿਤ ਅੱਜ ਹੌਂਗ ਕੌਂਗ ਦੀ ਪੁਲੀਸ ਨੇ ਸੜਕਾਂ 'ਤੇ ਵਿਰੋਧ ਪ੍ਰਦਰਸ਼ਨ ਕਰਦੇ ਹਜ਼ਾਰਾਂ ਲੋਕਾਂ ਵਿੱਚੋਂ ਘੱਟੋ-ਘੱਟ 10 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ।
ਪੁਲੀਸ ਵੱਲੋਂ ਪ੍ਰਦਰਸ਼ਨਕਾਰੀਆਂ ਉੱਤੇ ਅੱਥਰੂ ਗੈਸ ਅਤੇ ਪੈਪਰ ਸਪ੍ਰੇ ਦੀ ਵਰਤੋਂ ਕੀਤੀ ਗਈ।
ਪੁਲੀਸ ਨੇ ਦੱਸਿਆ ਕਿ 10 ਵਿਅਕਤੀਆਂ ਨੂੰ ਇਸ ਨਵੇਂ ਕਾਨੂੰਨ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਜਿਨ੍ਹਾਂ ਵਿੱਚੋਂ ਘੱਟੋ-ਘੱਟ ਇੱਕ ਵਿਅਕਤੀ ਉੱਤੇ ਹੌਂਗ ਕੌਂਗ ਦੀ ਅਜ਼ਾਦੀ ਦਾ ਝੰਡਾ ਲਹਿਰਾਉਣ ਦਾ ਇਲਜ਼ਾਮ ਹੈ।
ਕੱਲ ਰਾਤ ਲਾਗੂ ਹੋਏ ਇਸ ਕਾਨੂੰਨ ਦੇ ਤਹਿਤ, ਚੀਨ ਦੀ ਪ੍ਰਭੂਸੱਤਾ ਦੇ ਖਿਲਾਫ਼ ਗੱਲ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਉਮਰ ਕੈਦ ਤੱਕ ਦੀ ਸਜ਼ਾ ਦਿੱਤੀ ਜਾ ਸਕਦੀ ਹੈ।
ਇਸ ਕਾਨੂੰਨ ਨੂੰ ਪਿਛਲੇ ਸਾਲ ਹੌਂਗ ਕੌਂਗ ਵਿੱਚ ਚੀਨ ਦੀ ਸਰਕਾਰ ਖਿਲਾਫ਼ ਹੋਏ ਪ੍ਰਦਰਸ਼ਨਾਂ ਨੂੰ ਧਿਆਨ ਵਿੱਚ ਰੱਖਕੇ ਘੜਿਆ ਗਿਆ ਹੈ।
ਬ੍ਰਿਟੇਨ ਵੱਲੋਂ ਹੌਂਗ ਕੌਂਗ ਨੂੰ ਚੀਨ ਦੇ ਹਵਾਲੇ ਕੀਤੇ ਜਾਣ ਦੀ 23ਵੀਂ ਬਰਸੀ ਮੌਕੇ, ਅੱਜ ਹੌਂਗ ਕੌਂਗ ਪੁਲੀਸ ਵੱਲੋਂ ਵੱਖਰੇ-ਵੱਖਰੇ ਦੋਸ਼ਾਂ ਤਹਿਤ ਤਕਰੀਬਨ 370 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਜਿਨ੍ਹਾਂ ਵਿੱਚੋਂ 10 ਵਿਅਕਤੀਆਂ ਉੱਤੇ ਇਸ ਨਵੇਂ ਕਾਨੂੰਨ ਦੀ ਉਲੰਘਣਾ ਦਾ ਦੋਸ਼ ਹੈ।
