13.97C Vancouver 13.97C VancouverDec 11, 2025 1:26 PM - Connect Newsroom - Jasmine Singh with files from The Canadian Press
ਕੈਨੇਡਾ ਦਾ ਹਾਊਸ ਔਫ ਕਾਮਨ ਵੀਰਵਾਰ ਨੂੰ ਸਰਦ ਰੁੱਤ ਦੀਆਂ ਲੰਮੀਆਂ ਛੁੱਟੀਆਂ ਲਈ ਮੁਲਤਵੀ ਹੋ ਸਕਦਾ ਹੈ ਅਤੇ ਇਹ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਲਿਬਰਲ ਸਰਕਾਰ ਦਾ ਬਜਟ ਬਿੱਲ ਜੋ ਅਜੇ ਤੱਕ ਪਾਸ ਨਹੀਂ ਹੋਇਆ ਹੈ, ਉਹ ਅਗਲੇ ਸੈਸ਼ਨ ਤੱਕ ਲਈ ਲਟਕ ਸਕਦਾ ਹੈ।
ਹਾਊਸ ਦੇ ਅਧਿਕਾਰਤ ਕੈਲੰਡਰ ਅਨੁਸਾਰ, ਮੈਂਬਰ ਪਾਰਲੀਮੈਂਟ ਲਈ ਸ਼ੁੱਕਰਵਾਰ ਤੱਕ ਸਦਨ ਵਿਚ ਬੈਠਣ ਦਾ ਸਮਾਂ ਨਿਰਧਾਰਤ ਹੈ ਪਰ ਉਮੀਦ ਹੈ ਕਿ ਸਾਰੇ ਐਮ.ਪੀ. ਦੀ ਸਹਿਮਤੀ ਨਾਲ ਅੱਜ ਸ਼ਾਮ ਨੂੰ ਹੀ ਕ੍ਰਿਸਮਸ ਦੀਆਂ ਛੁੱਟੀਆਂ ਲਈ ਬ੍ਰੇਕ ਲੈਣ ਲਈ ਰਾਜ਼ੀ ਹੋ ਜਾਣਗੇ ਅਤੇ ਉਨ੍ਹਾਂ ਦੇ 26 ਜਨਵਰੀ ਨੂੰ ਦੁਬਾਰਾ ਹਾਊਸ ਔਫ ਕਾਮਨ ਵਿਚ ਵਾਪਸ ਆਉਣ ਦੀ ਆਸ ਹੈ। ਪ੍ਰ
ਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅਗਵਾਈ ਵਿਚ ਲਿਬਰਲ ਸਰਕਾਰ ਦੀ ਇਹ ਪਹਿਲੀ ਪੂਰੀ ਬੈਠਕ ਸੀ,ਇਸ ਸੈਸ਼ਨ ਦੌਰਾਨ ਕ੍ਰਾਈਮ ਨਾਲ ਸੰਬੰਧਤ ਅਹਿਮ ਬਿੱਲ,ਜਿਵੇਂ ਕਿ ਹਿੰਸਕ ਅਪਰਾਧੀਆਂ ਲਈ ਸਖ਼ਤ ਜ਼ਮਾਨਤ ਕਾਨੂੰਨ ਵਾਸਤੇ ਬਿੱਲ ਸੀ-14 ਅਤੇ ਔਰਤਾਂ ਖਿਲਾਫ ਨਫ਼ਰਤ ਤੇ ਦਬਾਅ ਵਾਲੇ ਵਰਤਾਰੇ ਨਾਲ ਨਜਿੱਠਣ ਲਈ ਬਿੱਲ ਸੀ-16 ਪੇਸ਼ ਕੀਤੇ ਗਏ ਹਨ ਪਰ ਕਈ ਬਿੱਲ ਅਜੇ ਵੀ ਅਧੂਰੇ ਹਨ।
ਬਜਟ ਦੇ ਕੁਝ ਹਿੱਸਿਆਂ ਨੂੰ ਲਾਗੂ ਕਰਨ ਵਾਲਾ ਬਿੱਲ ਬੁੱਧਵਾਰ ਨੂੰ ਦੂਜੀ ਰੀਡਿੰਗ ਵਿਚ ਪਾਸ ਹੋਇਆ ਹੈ ਅਤੇ ਇਹ ਨਵੇਂ ਸਾਲ ਵਿਚ ਸਟੱਡੀ ਲਈ ਕਮੇਟੀ ਕੋਲ ਜਾਵੇਗਾ। ਸਰਕਾਰ ਲਈ ਬਾਰਡਰ ਬਿੱਲ ਦਾ ਸੋਧਿਆ ਹੋਇਆ ਬਿੱਲ ਵੀ ਪਾਸ ਕਰਨਾ ਬਾਕੀ ਹੈ,ਜਿਸ ਵਿਚ ਕੈਨੇਡਾ ਬਾਰਡਰ ਸਰਿਵਸ ਏਜੰਸੀ ਨੂੰ ਡਰੱਗਜ਼ ਅਤੇ ਹਥਿਆਰਾਂ ਦੀ ਤਸਕਰੀ ਨਾਲ ਨਜਿੱਠਣ ਵਿਚ ਮਦਦ ਕਰਨ ਲਈ ਨਵੇਂ ਕਦਮ ਸ਼ਾਮਲ ਹਨ।
