15.44C Vancouver 15.44C VancouverMay 8, 2020 5:38 PM -
ਕੋਵਿਡ-19 ਮਹਾਂਮਾਰੀ ਕਾਰਨ ਬੀ.ਸੀ. ਵਿੱਚ ਅਪਰੈਲ ਦੇ ਮਹੀਨੇ ਵਿੱਚ 264,100 ਬ੍ਰਿਟਿਸ਼ ਕੋਲੰਬੀਅਨਾਂ ਨੇ ਰੁਜ਼ਗਾਰ ਗਵਾਇਆ ਹੈ।
ਵਿਕਟੋਰੀਆ ਵਿੱਚ ਸਟੈਟਿਸਟਿਕਸ ਕੈਨੇਡਾ ਵਲੋ ਜਾਰੀ ਕੀਤੇ ਗਏ ਰੁਜ਼ਗਾਰ ਸਬੰਧੀ ਅੰਕੜਿਆਂ ਬਾਰੇ ਗੱਲ ਕਰਦਿਆਂ ਫਾਇਨੈਂਸ ਮਨਿਸਟਰ ਕੈਰਲ ਜੇਮਜ਼ ਨੇ ਕਿਹਾ ਕਿ ਮਾਰਚ ਅਤੇ ਅਪ੍ਰੈਲ ਦੇ ਮਹੀਨੇ ਵਿੱਚ ਕੁੱਲ ਮਿਲਾ ਕੇ 396,500 ਬ੍ਰਿਟਿਸ਼ ਕੋਲੰਬੀਅਨਾਂ ਨੇ ਰੁਜ਼ਗਾਰ ਗਵਾਇਆ ਹੈ।
ਬੀ.ਸੀ. ਵਿੱਚ ਬੇਰੁਜ਼ਗਾਰੀ 11.5 ਫੀਸਦੀ ਤੱਕ ਪਹੁੰਚ ਗਈ ਹੈ ਜੋ ਕਿ ਮਾਰਚ ਦੇ ਮਹੀਨੇ ਵਿੱਚ 7.2 ਫੀਸਦੀ ਸੀ।
ਮਨਿਸਟਰ ਕੈਰਲ ਜੇਮਜ਼ ਨੇ ਕਿਹਾ ਕਿ ਕੋਵਿਡ-19 ਨੇ ਸਾਰੇ ਖੇਤਰਾਂ ਨੂੰ ਪ੍ਰਭਾਵਿਤ ਕੀਤਾ ਹੈ ਪਰ ਅਕੋਮੋਡੇਸ਼ਨ ਅਤੇ ਫੂਡ ਅਤੇ ਹੋਲਸੇਲ ਅਤੇ ਰਿਟੇਲ ਦੇ ਖੇਤਰ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਹਨ।
ਜੇਮਜ਼ ਮੁਤਾਬਕ ਬੀ.ਸੀ. ਦੇ ਐਮਰਜੰਸੀ ਬੇਨੇਫਿਟ ਫਾਰ ਵਰਕਰਜ਼ ਲਈ ਚਾਰ ਲੱਖ ਅਰਜ਼ੀਆਂ ਮਿਲੀਆਂ ਸਨ ਜਿਨ੍ਹਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
