10.94C Vancouver 10.94C VancouverNov 27, 2020 6:34 PM -
ਚੈਂਪੀਅਨ ਆਈਸ ਡਾਂਸਰ ਸਕੌਟ ਮੌਇਰ ਅਤੇ ਟੈਸਾ ਵਰਚਿਊ, ਉਨ੍ਹਾਂ 114 ਅਥਲੀਟਾਂ, ਆਰਟਿਸਟਾਂ, ਸਕੌਲਰਾਂ ਅਤੇ ਕਮਿਊਨਿਟੀ ਲੀਡਰਾਂ 'ਚ ਸ਼ਾਮਿਲ ਹਨ ਜਿੰਨਾ ਦੇ ਨਾਮ 'ਆਰਡਰ ਆਫ ਕੈਨੇਡਾ' ਲਈ ਸ਼ਾਮਿਲ ਕੀਤੇ ਗਏ ਹਨ।
ਗਵਰਨਰ ਜਨਰਲ ਜੂਲੀ ਪੇਅਟ ਦੇ ਦਫ਼ਤਰ ਨੇ ਅੱਜ ਸਵੇਰੇ ਨਵੇਂ ਔਨਰੇਰੀਆਂ ਦੇ ਨਾਮ ਐਲਾਨੇ ਹਨ।
ਇਸ ਸਨਮਾਨ ਲਈ ਚੁਣੇ ਗਏ ਹੋਰ ਲੋਕਾਂ 'ਚ ਇੰਡੀਜਨਸ ਲੇਖਕ ਥੌਮਸ ਕਿੰਗ, ਵਾਈਨਮੇਕਰ ਜੌਨ ਪੈਲਰ, ਡਾਂਸਰ ਅਤੇ ਕੋਰੀਓਗ੍ਰਾਫਰ ਐਲਿਜ਼ਾਬੈਥ ਲੈਂਗਲੀ, ਅਤੇ ਕਈ ਹੋਰ ਨਾਮ ਸ਼ਾਮਿਲ ਹਨ।
ਯਾਦ ਰਹੇ ਮੌਇਰ ਅਤੇ ਵਰਚਿਊ ਦੀ ਸਾਲ 2018 ਦੀ ਵਿੰਟਰ ਓਲੰਪਿਕ ਦੌਰਾਨ ਦਿੱਤੀ ਗੋਲਡ ਮੈਡਲ ਪਰਫਾਰਮੈਂਸ ਤੋਂ ਬਾਅਦ, ਉਨ੍ਹਾਂ ਨੂੰ ਰਾਸ਼ਟਰੀ ਪੱਧਰ 'ਤੇ ਬੇਹੱਦ ਪ੍ਰਸਿੱਧੀ ਮਿਲੀ ਸੀ।
'ਆਰਡਰ ਆਫ ਕੈਨੇਡਾ' ਦੇਸ਼ ਦੇ ਸਭ ਤੋਂ ਉੱਚੇ ਸਿਵਿਲੀਅਨ ਸਨਮਾਨਾਂ 'ਚ ਸ਼ਾਮਿਲ ਹੈ।
