25.37C Vancouver 25.37C VancouverOct 1, 2020 8:43 PM -
ਬੀ.ਸੀ. ਲਿਬਰਲ ਪਾਰਟੀ ਦੇ ਲੀਡਰ ਐਨਡਰਿਊ ਵਿਲਕਿਨਸਨ ਨੇ ਅੱਜ ਵੈਨਕੂਵਰ ਵਿੱਚ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਸੱਤਾ ਵਿੱਚ ਆਉਣ 'ਤੇ ਬੀ.ਸੀ. ਲਿਬਰਲ ਸਰਕਾਰ ਪਾਰਕਾਂ ਵਿੱਚ ਟੈਂਟ ਸਿਟੀਜ਼ ਨੂੰ ਖਤਮ ਕਰਨ ਲਈ ਕੰਮ ਕਰੇਗੀ।
ਵਿਲਕਿਨਸਨ ਨੇ ਕਿਹਾ ਕਿ ਸੂਬੇ ਦੇ ਲੋਕ, ਵਧ ਰਹੇ ਸਟ੍ਰੀਟ ਕ੍ਰਾਈਮਜ਼ ਅਤੇ ਹਿੰਸਕ ਘਟਨਾਵਾਂ ਤੋਂ ਤੰਗ ਹਨ।
ਵਿਲਕਿਨਸਨ ਨੇ ਕਿਹਾ ਕਿ ਬੀ.ਸੀ. ਦੇ ਵੱਡੇ ਸ਼ਹਿਰਾਂ ਦੇ ਮੇਯਰਜ਼ ਦੁਆਰਾ ਇਨ੍ਹਾਂ ਸਮੱਸਿਆਵਾਂ ਦੇ ਹੱਲ ਲਈ ਮਦਦ ਦੀ ਮੰਗ ਕੀਤੀ ਜਾ ਰਹੀ ਹੈ ਅਤੇ ਬੀ.ਸੀ. ਲਿਬਰਲ ਸਰਕਾਰ ਨੀਤੀ, ਨਵੇਂ ਕਾਨੂੰਨ, ਫੰਡਿੰਗ ਅਤੇ ਪ੍ਰੋਗਰਾਮਾਂ ਰਾਹੀਂ, ਸਮੱਸਿਆਵਾਂ ਦੇ ਕਾਰਨਾਂ ਦਾ ਇਲਾਜ ਕਰੇਗੀ।
ਦੂਜੇ ਪਾਸੇ ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ ਅੱਜ ਵੈਨਕੂਵਰ ਵਿੱਚ ਹੀ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਦੁਬਾਰਾ ਸੱਤਾ ਵਿੱਚ ਆਉਣ ਤੇ ਐਨ.ਡੀ.ਪੀ. ਸਰਕਾਰ ਬੀ.ਸੀ. ਐਕਸੈੱਸ ਗ੍ਰਾਂਟ ਪ੍ਰੋਗਰਾਮ ਦਾ ਵਿਸਥਾਰ ਕਰੇਗੀ ਤਾਂ ਜੋ ਘੱਟ ਆਮਦਨੀ ਵਾਲੇ ਵਧੇਰੇ ਵਿਦਿਆਰਥੀਆਂ ਨੂੰ ਸਾਲਾਨਾ ਚਾਰ ਹਜ਼ਾਰ ਡਾਲਰ ਤੱਕ ਮਿਲ ਸਕਣ।
ਹੌਰਗਨ ਨੇ ਕਿਹਾ ਕਿ ਐਨਡਰਿਊ ਵਿਲਕਿਨਸਨ, ਲੱਖਪਤੀਆਂ ਨੂੰ ਟੈਕਸ ਵਿੱਚ ਛੂਟ ਦੇਣਾ ਚਾਹੁੰਦੇ ਹਨ ਜਦੋਂਕਿ ਐਨ.ਡੀ.ਪੀ. ਦਾ ਧਿਆਨ ਲੋੜਵੰਦ ਲੋਕਾਂ ਦੀ ਮਦਦ 'ਤੇ ਹੈ।
