18.15C Vancouver 18.15C VancouverAug 17, 2023 6:40 PM - Connect News
ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਦੇ ਮਾਮਲੇ ਵਿਚ ਪੁਲਿਸ ਨੇ ਇੱਕ ਤੀਸਰੇ ਸ਼ੱਕੀ ਨੂੰ ਵੀ ਸ਼ਾਮਲ ਕੀਤਾ ਹੈ ਅਤੇ ਉਸਨੂੰ ਫੜਨ ਲਈ ਪੁਲਿਸ ਆਮ ਜਨਤਾ ਤੋਂ ਵੀ ਮਦਦ ਮੰਗ ਰਹੀ ਹੈ।
ਇੰਟੈਗ੍ਰੇਟਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਦੇ ਬੁਲਾਰੇ Timothy Pierotti ਨੇ ਬੁੱਧਵਾਰ ਨੂੰ ਪੱਤਰਕਾਰਾਂ ਨੂੰ ਦੱਸਿਆ ਕਿ 18 ਜੂਨ 2023 ਦੀ ਵਾਰਦਾਤ ਸਮੇਂ ਇੱਕ ਸ਼ੱਕੀ 121 ਸਟ੍ਰੀਟ ਅਤੇ 68 ਐਵਨਿਊ ਕੋਲ, ਭੱਜਣ ਲਈ ਤਿਆਰ ਇੱਕ ਕਾਰ ਵਿਚ ਉਡੀਕ ਕਰਦਾ ਦੇਖਿਆ ਗਿਆ ਸੀ।
ਪੁਲਿਸ ਦਾ ਮੰਨਣਾ ਹੈ ਕਿ ਇਸ ਸ਼ੱਕੀ ਨੇ ਦੋ ਹੋਰ ਸ਼ੱਕੀਆਂ ਨੂੰ ਮੌਕੇ ਤੋਂ ਭਜਾਉਣ ਵਿਚ ਮਦਦ ਕੀਤੀ ਸੀ।
ਪੁਲਿਸ ਅਨੁਸਾਰ ਇਹ ਸ਼ੱਕੀ ਵਾਹਨ ਸਿਲਵਰ ਰੰਗ ਦੀ 2008 ਦੀ Toyota Camry ਕਾਰ ਹੈ।
ਟੀਮ ਨੇ ਸ਼ੱਕੀ ਵਾਹਨ ਦੀ ਤਸਵੀਰ ਜਾਰੀ ਕੀਤੀ ਹੈ, ਪਰ ਗੱਡੀ ਚਲਾਉਣ ਵਾਲੇ ਦੀ ਤਸਵੀਰ ਸਾਫ਼ ਨਹੀਂ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਨੂੰ ਵੀ ਸ਼ੱਕੀ ਦੀ ਪਛਾਣ ਆਵੇ ਤਾਂ ਉਹ ਤੁਰੰਤ ਪੁਲਿਸ ਨਾਲ ਸੰਪਰਕ ਕਰੇ।
ਦੱਸ ਦਈਏ ਕਿ ਹਰਦੀਪ ਸਿੰਘ ਨਿੱਝਰ ਦਾ ਕਤਲ 18 ਜੂਨ ਦੀ ਰਾਤ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਾਹਿਬ ਦੀ ਪਾਰਕਿੰਗ ਵਿਚ ਹੋਇਆ ਸੀ।
ਹਾਲੇ ਤੱਕ ਇਸ ਮਾਮਲੇ 'ਚ ਕਿਸੇ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ।
