ਔਟਵਾ ਨੇ ਘਰੇਲੂ ਸਟੀਲ ਦੀ ਢੁਆਈ ਲਈ $100 ਮਿਲੀਅਨ ਦੀ ਰਿਬੇਟ ਯੋਜਨਾ ਕੀਤੀ ਸ਼ੁਰੂ

ਕੈਨੇਡਾ ਸਰਕਾਰ ਨੇ ਘਰੇਲੂ ਉਤਪਾਦਕ ਨੂੰ ਦੇਸ਼ ਭਰ ਵਿਚ ਸਟੀਲ ਦੀ ਸ਼ਿਪਮੈਂਟ ਲਈ freight cost ਘਟਾਉਣ ਵਿਚ ਮਦਦ ਦੇਣ ਦਾ ਫੈਸਲਾ ਕੀਤਾ ਹੈ। ਆਵਾਜਾਈ ਮੰਤਰੀ ਸਟੀਵਨ ਮੈਕਕਿਨਨ ਨੇ ਅੱਜ ਇਸ ਸਬੰਧ ਵਿਚ $100-ਮਿਲੀਅਨ ਦੇ ਰਿਬੇਟ ਪਲੈਨ ਦਾ ਐਲਾਨ ਕੀਤਾ। ਇਹ ਕਦਮ ਟੈਰਿਫ ਨਾਲ ਪ੍ਰਭਾਵਿਤ domestic producers ਦੀ ਮਦਦ ਲਈ ਉਠਾਇਆ ਜਾ ਰਿਹਾ ਹੈ।

ਮੰਤਰੀ ਮੁਤਾਬਕ, ਇਸ ਯੋਜਨਾ ਦਾ ਉਦੇਸ਼ ਰੇਲ ਜਾਂ ਸਮੁੰਦਰ ਜ਼ਰੀਏ ਕੈਨੇਡਾ ਭਰ ਵਿਚ ਸਟੀਲ ਸ਼ਿਪਿੰਗ ਕਰਨ ਦੀ freight ਲਾਗਤ ਨੂੰ ਘੱਟੋ-ਘੱਟ ਅੱਧੀ ਘਟਾਉਣਾ ਹੈ ਤਾਂ ਜੋ manufacturing ਵਿਚ ਸਟੀਲ ਦੀ ਵਰਤੋਂ ਕਰਨ ਵਾਲੀਆਂ ਕੈਨੇਡੀਅਨ ਕੰਪਨੀਆਂ ਨੂੰ ਅਮਰੀਕਾ ਜਾਂ ਕਿਸੇ ਹੋਰ ਵਿਦੇਸ਼ੀ ਸਪਲਾਇਰ ਦੀ ਬਜਾਏ domestic suppliers ਤੋਂ ਹੀ ਮਾਲ ਖਰੀਦਣ ਲਈ ਉਤਸ਼ਾਹਿਤ ਕੀਤਾ ਜਾ ਸਕੇ।

ਮੈਕਕਿਨਨ ਨੇ ਕਿਹਾ ਕਿ ਕੰਪਨੀਆਂ ਅੱਜ ਤੋਂ ਹੀ ਰਿਬੇਟ ਲਈ ਅਰਜ਼ੀ ਦੇ ਸਕਦੀਆਂ ਹਨ ਅਤੇ ਇਹ ਪ੍ਰੋਗਰਾਮ ਅਗਲੀ ਗਰਮੀਆਂ ਤੱਕ ਜਾਂ ਫੰਡਿੰਗ ਦੇ ਪੂਰੀ ਤਰ੍ਹਾਂ ਖ਼ਤਮ ਹੋਣ ਤੱਕ ਚੱਲੇਗਾ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਇਹ ਰਿਬੇਟ ਸਿਰਫ ਕੈਨੇਡਾ ਵਿਚ ਬਣੇ ਅਤੇ ਦੇਸ਼ ਵਿਚ ਹੀ ਸਪਲਾਈ ਕੀਤੇ ਜਾਣ ਵਾਲੇ ਸਟੀਲ ਉਤਪਾਦ ਲਈ ਹੋਵੇਗੀ। ਮੈਕਕਿਨਨ ਨੇ ਇਹ ਵੀ ਸੰਕੇਤ ਦਿੱਤਾ ਕਿ ਫੈਡਰਲ ਸਰਕਾਰ ਜੰਗਲਾਤ ਖੇਤਰ ਲਈ ਵੀ ਇਸੇ ਤਰ੍ਹਾਂ ਦੀ ਸਪੋਰਟ 'ਤੇ ਵਿਚਾਰ ਕਰ ਰਹੀ ਹੈ।