14.61C Vancouver 14.61C VancouverMay 8, 2026 6:05 PM - Connect Newsroom - Ramandeep Kaur with files from The Canadian Press
ਬੀ. ਸੀ. ਦੀ ਐਂਟੀ-ਗੈਂਗ ਯੂਨਿਟ CFSEU ਨੇ ਮੈਟਰੋ ਵੈਨਕੂਵਰ ਵਿਚ ਗੈਰ-ਕਾਨੂੰਨੀ ਕੈਸੀਨੋ ਦੇ ਇੱਕ ਵੱਡੇ ਨੈੱਟਵਰਕ ਦਾ ਪਰਦਾਫਾਸ਼ ਕਰਦਿਆਂ 11 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹ ਕਾਰਵਾਈ 29 ਅਪ੍ਰੈਲ ਨੂੰ ਮੈਪਲ ਰਿਜ, ਸਰੀ ਅਤੇ ਕੋਕੁਇਟਲਮ ਵਿਚ ਮਾਰੇ ਗਏ ਛਾਪਿਆਂ ਦੌਰਾਨ ਕੀਤੀ ਗਈ, ਜਿਸ ਵਿਚ ਕੰਬਾਈਡ ਫੋਰਸ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਨੇ $34,000 ਕੈਸ਼, ਰੇਂਜ ਰੋਵਰ ਸਮੇਤ ਤਿੰਨ ਗੱਡੀਆਂ ਅਤੇ ਸਾਈਲੈਂਸਰ ਲੱਗੀ ਇੱਕ ਬੰਦੂਕ ਸਣੇ ਜੂਏ ਦਾ ਭਾਰੀ ਸਾਮਾਨ ਬਰਾਮਦ ਕੀਤਾ।
ਸਾਰਜੈਂਟ ਸਰਬਜੀਤ ਕੌਰ ਸੰਘਾ ਅਨੁਸਾਰ, ਨਵੰਬਰ 2025 ਤੋਂ ਚੱਲ ਰਹੀ ਇਸ ਜਾਂਚ ਦਾ ਮਕਸਦ ਸੰਗਠਿਤ ਅਪਰਾਧ ਨਾਲ ਜੁੜੀਆਂ ਉਨ੍ਹਾਂ ਗਤੀਵਿਧੀਆਂ ਨੂੰ ਰੋਕਣਾ ਹੈ ਜੋ ਜਨਤਕ ਸੁਰੱਖਿਆ ਲਈ ਖ਼ਤਰਾ ਬਣਦੀਆਂ ਹਨ।
ਇਸ ਕਾਰਵਾਈ ਦੇ ਸਿੱਟੇ ਵਜੋਂ 6 ਮੁਲਜ਼ਮਾਂ 'ਤੇ ਸੂਬੇ ਦੇ ਕਿਸੇ ਵੀ ਕੈਸੀਨੋ ਵਿਚ ਜਾਣ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ, ਜਦੋਂ ਕਿ ਮਾਮਲੇ ਦੀ ਅਗਲੀ ਜਾਂਚ ਜਾਰੀ ਹੈ ਅਤੇ ਸਾਰੇ ਮੁਲਜ਼ਮਾਂ ਨੂੰ ਚਾਰਜ ਅਸੈਸਮੈਂਟ ਦੀ ਪ੍ਰਕਿਰਿਆ ਪੂਰੀ ਹੋਣ ਤੱਕ ਰਿਹਾਅ ਕਰ ਦਿੱਤਾ ਗਿਆ ਹੈ।
