23.26C Vancouver 23.26C VancouverMay 28, 2020 12:36 AM -
ਬ੍ਰਿਟਿਸ਼ ਕੋਲੰਬੀਆ 'ਚ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਵਾਧਾ ਹੋਇਆ ਹੈ।
ਮਾਰਚ ਅਤੇ ਅਪ੍ਰੈਲ ਦੇ ਅੰਕੜੇ ਸਾਂਝੇ ਕੀਤੇ ਗਏ ਹਨ। ਬੀ.ਸੀ. ਕੋਰੋਨਰਜ਼ ਸਰਵਿਸ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ 117 ਲੋਕਾਂ ਦੀ ਜਾਨ ਜਾਂਦੀ ਰਹੀ।
ਮਾਰਚ 2019 'ਚ ਵੀ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਅਜਿਹੇ ਹੀ ਸਨ।
ਸਰਵਿਸ ਨੇ ਜਾਣਕਾਰੀ ਦਿੱਤੀ ਕਿ ਇਸੇ ਸਾਲ ਮਾਰਚ ਵਿੱਚ 112 ਅਤੇ ਅਪ੍ਰੈਲ 'ਚ 117 ਓਵਰਡੋਜ਼ ਸੰਬੰਧੀ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ।
ਇਹ ਸਾਲ 2018 ਦੇ ਆਖ਼ਰੀ ਮਹੀਨਿਆਂ ਤੋਂ ਬਾਅਦ ਪਹਿਲਾ ਮੌਕਾ ਹੈ, ਜਦ ਸੂਬੇ ਨੇ ਲਗਾਤਾਰ ਦੋ ਮਹੀਨਿਆਂ ਤੋਂ ਵਧੇਰੇ ਸਮਾਂ 100 ਤੋਂ ਵੱਧ ਮੌਤਾਂ ਰਿਕਾਰਡ ਕੀਤੀਆਂ ਹਨ।
ਇਸੇ ਸਾਲ ਜਨਵਰੀ 'ਚ 78 ਅਤੇ ਫਰਵਰੀ 'ਚ 75 ਓਵਰਡੋਜ਼ ਸੰਬੰਧੀ ਜਾਨ ਜਾਣ ਦੇ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਸਾਲ 2016 'ਚ 'ਪਬਲਿਕ ਹੈਲਥ ਐਮਰਜੈਂਸੀ' ਐਲਾਨੇ ਜਾਣ ਤੋਂ ਬਾਅਦ, ਹੁਣ ਤੱਕ ਓਵਰਡੋਜ਼ ਸੰਬੰਧੀ ਮੌਤਾਂ ਦਾ ਅੰਕੜਾ 4,700 ਦੱਸਿਆ ਜਾ ਰਿਹਾ ਹੈ।
ਚੀਫ਼ ਕੋਰੋਨਰ ਲੀਜ਼ਾ ਲਾਪੌਇਂਟ ਨੇ ਆਖਿਆ ਕਿ ਬੀ.ਸੀ. 'ਚ ਡਰੱਗਜ਼ ਸੰਬੰਧੀ ਸੁਰੱਖਿਅਤ ਸਪਲਾਈ ਤੱਕ ਪਹੁੰਚ ਨੂੰ ਯਕੀਨੀ ਬਣਾਉਣ ਲਈ ਕੋਸ਼ਿਸ਼ਾਂ ਜਾਰੀ ਹਨ, ਪਰ ਨਾਜਾਇਜ਼ ਨਸ਼ੇ ਕਾਰਨ ਮੌਤਾਂ ਦੇ ਮਾਮਲਿਆਂ 'ਚ ਵਾਧਾ ਵੀ ਜਾਰੀ ਹੈ।
ਬੀ.ਸੀ. 'ਚ ਮੌਤਾਂ ਦੇ ਮਾਮਲੇ ਕੈਨੇਡਾ 'ਚ ਕਿਸੇ ਹੋਰ ਸੂਬੇ ਦੇ ਮੁਕਾਬਲੇ ਸਭ ਤੋਂ ਵੱਧ ਹਨ।
