ਵਿਧਾਇਕ ਹੋਨ ਚੈਨ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਣ ਤੋਂ ਕੀਤਾ ਇਨਕਾਰ

ਰਿਚਮੰਡ ਸੈਂਟਰ ਤੋਂ ਵਿਧਾਇਕ ਹੋਨ ਚੈਨ ਨੇ intimate partner violence ਦੇ ਸਬੰਧ ਵਿਚ ਲੱਗੇ ਚਾਰਜਿਜ਼ ਦੇ ਬਾਵਜੂਦ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਤੋਂ ਇਨਕਾਰ ਕੀਤਾ ਹੈ। ਚੈਨ 'ਤੇ 12 ਜਨਵਰੀ, 2024 ਨੂੰ ਹੋਈ ਇੱਕ ਘਰੇਲੂ ਹਿੰਸਾ ਦੇ ਸਬੰਧ ਵਿਚ ਹਾਲ ਹੀ ਵਿਚ ਦੋਸ਼ ਲਗਾਏ ਗਏ ਹਨ।

ਉਨ੍ਹਾਂ ਦਾ ਸੋਮਵਾਰ ਨੂੰ ਵਿਧਾਨ ਸਭਾ ਦੇ ਬਾਹਰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਹਿਣਾ ਸੀ ਕਿ ਕਾਨੂੰਨ ਮੁਤਾਬਕ ਹਰ ਕੋਈ ਉਦੋਂ ਤੱਕ ਬੇਗੁਨਾਹ ਹੈ ਜਦੋਂ ਤੱਕ ਗੁਨਾਹ ਸਾਬਤ ਨਹੀਂ ਹੋ ਜਾਂਦਾ। ਦੱਸਣਯੋਗ ਹੈ ਕਿ ਜੂਨ 2025 ਵਿਚ ਇਸ ਮਾਮਲੇ ਲਈ ਇੱਕ ਸਪੈਸ਼ਲ ਪ੍ਰੋਸੀਕਿਊਟਰ ਦੀ ਨਿਯੁਕਤੀ ਕੀਤੀ ਗਈ ਸੀ ਪਰ ਚੈਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਕਤੂਬਰ ਵਿਚ ਚੋਣਾਂ ਤੋਂ ਪਹਿਲਾਂ ਇਸ ਬਾਰੇ ਕੋਈ ਸੂਚਨਾ ਨਹੀਂ ਦਿੱਤੀ ਗਈ ਸੀ।

ਉਨ੍ਹਾਂ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਆਪਣੀ ਪਾਰਟੀ ਜਾਂ ਜਨਤਾ ਨਾਲ ਕੋਈ ਝੂਠ ਨਹੀਂ ਬੋਲਿਆ ਸੀ। ਗੌਰਤਲਬ ਹੈ ਕਿ ਬੀ. ਸੀ. ਕੰਜ਼ਰਵੇਟਿਟ ਪਾਰਟੀ ਹੋਨ ਚੈਨ ਨੂੰ ਆਪਣੇ ਕਾਕਸ ਵਿਚੋਂ ਕੱਢ ਚੁੱਕੀ ਹੈ ਅਤੇ ਉਹ ਬਤੌਰ ਆਜ਼ਾਦ ਵਿਧਾਇਕ ਵਜੋਂ ਸੇਵਾਵਾਂ ਨਿਭਾਅ ਰਹੇ ਹਨ।