ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਦਰਮਿਆਨ ਭਾਰਤ ਨੇ ਪੈਟਰੋਲ, ਡੀਜ਼ਲ 'ਤੇ ਘਟਾਈ ਐਕਸਾਈਜ਼ ਡਿਊਟੀ

ਭਾਰਤ ਸਰਕਾਰ ਵੱਲੋਂ ਕੌਮਾਂਤਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਦੇ ਬਾਵਜੂਦ ਦੇਸ਼ ਵਿਚ ਪੈਟਰੋਲ-ਡੀਜ਼ਲ 'ਤੇ ਐਕਸਾਈਜ਼ ਡਿਊਟੀ ਵਿਚ ਵੱਡੀ ਕਟੌਤੀ ਕਰ ਦਿੱਤੀ ਗਈ ਹੈ, ਪਹਿਲਾਂ ਪੈਟਰੋਲ 'ਤੇ ਜੋ 13 ਲਿਟਰ ਰੁਪਏ ਡਿਊਟੀ ਲੱਗ ਰਹੀ ਸੀ, ਉਹ ਤਿੰਨ ਰੁਪਏ ਹੋ ਗਈ ਹੈ ਅਤੇ ਡੀਜ਼ਲ 'ਤੇ ਐਕਸਾਈਜ਼ ਡਿਊਟੀ 10 ਰੁਪਏ ਤੋਂ ਘਟਾ ਕੇ ਜ਼ੀਰੋ ਕੀਤੀ ਗਈ ਹੈ।

ਪੈਟਰੋਲੀਅਮ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਕਿਹਾ ਕਿ ਇਹ ਫੈਸਲਾ ਕੀਮਤਾਂ ਨੂੰ ਸਥਿਰ ਰੱਖਣ ਲਈ ਲਿਆ ਗਿਆ ਹੈ। ਮੰਤਰੀ ਨੇ ਕਿਹਾ ਕਿ ਜਿੱਥੇ ਦੁਨੀਆ ਦੇ ਹੋਰ ਦੇਸ਼ ਤੇਲ ਦੀ ਬੱਚਤ ਲਈ ਸਕੂਲ-ਦਫ਼ਤਰ ਬੰਦ ਕਰ ਰਹੇ ਹਨ ਅਤੇ ਕੀਮਤਾਂ 20 ਤੋਂ 30 ਫੀਸਦੀ ਵਧਾ ਰਹੇ ਹਨ, ਉੱਥੇ ਹੀ ਭਾਰਤ ਵਿਚ ਸਪਲਾਈ ਨਿਰੰਤਰ ਬਣੀ ਹੋਈ ਹੈ ਅਤੇ ਕਿਫਾਇਤੀ ਦਰਾਂ ਬਰਕਰਾਰ ਹਨ।