14.41C Vancouver 14.41C VancouverJun 29, 2021 4:13 PM -
ਮੰਗਲਵਾਰ ਨੂੰ ਯੂਨਾਈਟਿਡ ਨੇਸ਼ਨਜ਼ ਵੱਲੋਂ ਜਾਰੀ ਕੀਤੇ ਗਲੋਬਲ ਸਾਈਬਰ ਸਿਕਿਓਰਿਟੀ ਸੂਚਕ (ਜੀਸੀਆਈ) 2020, ਮੁਤਾਬਕ ਭਾਰਤ 37 ਰੈਂਕ ਟੱਪ ਕੇ 10 ਵੇਂ 'ਤੇ ਪੁੱਜ ਗਿਆ ਹੈ।
ਸਾਈਬਰ ਸਿਕਿਓਰਿਟੀ ਜਾਗਰੂਕਤਾ ਵਧਾਉਣ ਲਈ 194 ਮੈਂਬਰ ਮੁਲਕਾਂ ਨੂੰ ਸਾਈਬਰ ਸਿਕਿਓਰਿਟੀ ਵਚਨਬੱਧਤਾ ਲਈ ਯੂਐੱਨ ਦੀ ਖ਼ਾਸ ਏਜੇਂਸੀ ਇੰਟਰਨੈਸ਼ਨਲ ਟੈਲੀਕਮਿਊਨੀਕੇਸ਼ਨ ਯੂਨੀਅਨ (ਆਈਟੀਯੂ) ਵੱਲੋਂ ਇਹ ਕਮਪੋਜ਼ਿਟ ਫਹਿਰਿਸਤ ਬਣਾਈ, ਵਿਸ਼ਲੇਸ਼ਣ ਕੀਤੀ ਗਈ ਅਤੇ ਜਾਰੀ ਕੀਤੀ ਗਈ ਹੈ।
ਛੇ ਸਾਲ ਪਹਿਲਾਂ ਪਹਿਲੇ ਐਡੀਸ਼ਨ ਜਾਰੀ ਕਰਨ ਤੋਂ ਬਾਅਦ, ਆਈਟੀਯੂ ਦੀ ਇਹ ਤਾਜ਼ਾ ਰਿਪੋਰਟ ਜੀਸੀਆਈ ਦਾ ਚੌਥਾ ਐਡੀਸ਼ਨ ਹੈ।
ਭਾਰਤ ਨੇ ਯੂਐੱਨ ਨੂੰ ਟਵੀਟ ਕਰਦਿਆਂ ਲਿਖਿਆ,"ਯੂਨਾਈਟਿਡ ਨੇਸ਼ਨਜ਼ ਵੱਲੋਂ ਜਾਰੀ ਕੀਤੇ ਗਲੋਬਲ ਸਾਈਬਰ ਸਿਕਿਓਰਿਟੀ ਸੂਚਕ (ਜੀਸੀਆਈ) 2020, ਮੁਤਾਬਕ, ਇੰਟਰਨੈਸ਼ਨਲ ਟੈਲੀਕਮਿਊਨੀਕੇਸ਼ਨ ਯੂਨੀਅਨ ਦੇ ਏਸ਼ੀਆ-ਪੈਸੀਫਿਕ ਦੇ ਚੌਥੇ ਐਡੀਸ਼ਨ 'ਚ, ਭਾਰਤ ਇੱਕ ਵੱਡੀ ਛਾਲ ਮਾਰ ਕੇ 37ਵੇਂ ਰੈਂਕ ਤੋਂ ਟੱਪ ਕੇ 10ਵੇਂ 'ਤੇ ਪੁੱਜ ਗਿਆ ਹੈ, ਜੋ ਕਿ ਸਾਈਬਰ ਸਿਕਿਓਰਿਟੀ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਅਤੇ ਸਫ਼ਲਤਾ ਦਰਸਾਉਂਦਾ ਹੈ।"
ਅਧਿਕਾਰਿਤ ਰਿਲੀਜ਼ ਮੁਤਾਬਕ, ਜੀਸੀਆਈ ਮੁਲਕਾਂ ਦੀ ਗਲੋਬਲ ਪੱਧਰ 'ਤੇ ਸਾਈਬਰ ਸਿਕਿਓਰਿਟੀ ਪ੍ਰਤੀ ਵਚਨਬੱਧਤਾ ਨੂੰ ਮਾਪਦਾ ਹੈ, ਤਾਂ ਜੋ ਇਸ ਮੁੱਦੇ 'ਤੇ ਅਹਿਮੀਅਤ ਅਤੇ ਵੱਖੋ-ਵੱਖਰੇ ਮਾਪਦੰਡਾਂ ਪ੍ਰਤੀ ਜਾਗਰੂਕਤਾ ਪੈਦਾ ਕੀਤੀ ਜਾਵੇ।
ਰਿਲੀਜ਼ ਮੁਤਾਬਕ," ਜਿਵੇਂ ਕਿ ਸਾਈਬਰ ਸੁਰੱਖਿਆ ਦੇ ਘੇਰੇ ਵਿੱਚ ਇੰਡਸਟਰੀ ਅਤੇ ਹੋਰ ਕਈ ਸੈਕਟਰ ਆਉਂਦੇ ਹਨ, ਹਰ ਮੁਲਕ ਦਾ ਵਿਕਾਸ ਅਤੇ ਰੁਝੇਵਾਂ ਪੰਜ ਥੰਮਾਂ- (i) ਲੀਗਲ ਮੈਜਰ (ii) ਤਕਨੀਕੀ ਮਾਪ (iii) ਸੰਗਠਨਾਤਮਕ ਮਾਪ (iv) ਯੋਗਤਾ ਵਿਕਾਸ , ਅਤੇ (v) ਸਹਿਯੋਗ - ਅਤੇ ਫਿਰ ਇਸਨੂੰ ਸਾਰੇ ਸਕੋਰ ਵੱਲ ਵਧਾਉਣ 'ਤੇ ਨਿਰਭਰ ਹੁੰਦਾ ਹੈ।"
ਇਸੇ ਦੌਰਾਨ, ਵਿਦੇਸ਼ ਸਕੱਤਰ ਹਰਸ਼ ਵੀ ਸ਼ਰਿੰਗਲਾ ਨੇ ਇਸ ਸ਼ਾਮ ਸਾਈਬਰ ਸਿਕਿਓਰਿਟੀ 'ਤੇ ਯੂਨਾਈਟਿਡ ਨੇਸ਼ਨਜ਼ ਸਿਕਿਓਰਿਟੀ ਕਾਉਂਸਿਲ ਦੀ ਉੱਚ ਪੱਧਰ ਦੀ ਖੁੱਲੀ ਬਹਿਸ ਵਿੱਚ ਵੀਡੀਓ ਕਾਨਫਰੈਂਸਿੰਗ ਜ਼ਰੀਏ ਹਿੱਸਾ ਲਿਆ ਸੀ।
ਸ਼ਰਿੰਗਲਾ ਨੇ ਯੂਐੱਨਐੱਸਸੀ ਦੀ ਬਹਿਸ 'ਚ ਆਖਿਆ,"ਮੁਲਕਾਂ ਵਿਚਾਲੇ ਡਿਜੀਟਲ ਫ਼ਰਕ ਸਾਈਬਰ ਡੋਮੇਨ ਵਿੱਚ ਬੇਕਾਬੂ ਮਾਹੌਲ ਪੈਦਾ ਕਰਦਾ ਹੈ| ਕੋਵਿਡ ਤੋਂ ਬਾਅਦ ਦੇ ਸਮੇਂ ਵਿੱਚ ਡਿਜੀਟਲ ਭਰੋਸੇ ਨੇ ਡਿਜੀਟਲ ਅਸਮਾਨਤਾ ਨੂੰ ਜ਼ਾਹਿਰ ਕਰ ਦਿੱਤਾ ਹੈ। ਇਸਨੂੰ ਸਮਰਥਾ ਦੇ ਪੁਲ ਨਾਲ ਉਸਾਰਿਆ ਜਾਣਾ ਚਾਹੀਦਾ ਹੈ।"
ਵਿਦੇਸ਼ ਸਕੱਤਰ ਨੇ ਆਖਿਆ,"ਅੱਤਵਾਦੀਆਂ ਵੱਲੋਂ ਆਪਣੇ ਪ੍ਰੋਪੇਗੰਡਾ ਅਤੇ ਨਫ਼ਰਤ ਫੈਲਾਉਣ ਲਈ ਸਾਈਬਰ ਸਪੇਸ ਦਾ ਬੜੀ ਹੀ ਸੂਝ-ਬੂਝ ਨਾਲ ਇਸਤੇਮਾਲ ਕੀਤਾ ਜਾਂਦਾ ਹੈ। ਅੱਤਵਾਦ ਪੀੜਤ ਹੋਣ ਦੇ ਨਾਤੇ, ਭਾਰਤ ਨੇ ਹਮੇਸ਼ਾ ਇਸਦੇ ਮੈਂਬਰ ਮੁਲਕਾਂ ਦੇ ਅੱਤਵਾਦੀਆਂ ਨਾਲ ਸਾਈਬਰ ਡੋਮੇਨ ਨੂੰ ਹੋਰ ਵੀ ਰਣਨੀਤੀ ਨਾਲ ਵਰਤਣ ਨੂੰ ਪ੍ਰਭਾਵਿਤ ਤਰੀਕੇ ਨਜਿੱਠਣ 'ਤੇ ਜ਼ੋਰ ਦਿੱਤਾ ਹੈ।
