11.26C Vancouver 11.26C VancouverMay 10, 2021 9:39 AM -
ਭਾਰਤ ਦੇ ਸਿਹਤ ਮਹਿਕਮੇ ਵੱਲੋਂ ਅੱਜ ਸੋਮਵਾਰ ਸਵੇਰੇ ਜਾਰੀ ਕੀਤੇ ਅੰਕੜਿਆਂ ਮੁਤਾਬਕ, ਮੁਲਕ ਵਿੱਚ ਬੀਤੇ 24 ਘੰਟਿਆਂ ਦੌਰਾਨ ਕੋਰੋਨਾਵਾਇਰਸ ਦੇ 3,66,161 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ।
ਇਸਦੇ ਨਾਲ ਹੀ ਮਾਮਲਿਆਂ ਵਿੱਚ 2,26,62,575 ਅੰਕੜਿਆਂ ਦਾ ਵਾਧਾ ਦਰਜ ਕੀਤਾ ਗਿਆ।
ਬੀਤੇ 24 ਘੰਟਿਆਂ ਵਿੱਚ ਮੁਲਕ ਵਿੱਚ ਮੌਤਾਂ ਦੀ ਗਿਣਤੀ 3,754 ਹੋ ਗਈ ਹੈ, ਜਿਸ ਨਾਲ ਹੁਣ ਤੱਕ ਮਰਨ ਵਾਲਿਆਂ ਦੀ ਗਿਣਤੀ 2,46,116 ਹੋ ਗਈ ਹੈ।
ਸਰਕਾਰੀ ਅੰਕੜਿਆਂ ਮੁਤਾਬਕ, ਇਸ ਵੇਲੇ ਮੁਲਕ ਵਿੱਚ ਕੋਵਿਡ-19 ਨਾਲ ਸਰਗਰਮ ਮਾਮਲੇ 37,45,237 ਹਨ।
ਪਰ ਇਸ ਸਭ ਦੇ ਨਾਲ ਹੀ ਮੁਲਕ 'ਚ 3,53,818 ਮਰੀਜ਼ਾਂ ਦੇ ਸਿਹਤਯਾਬ ਹੋਣ ਦੇ ਨਾਲ, ਹੁਣ ਕੁਲ ਸਿਹਤਯਾਬ ਹੋਏ ਮਾਮਲੇ 1,86,71,222 ਹੋ ਚੁੱਕੇ ਹਨ।
ਸਿਹਤ ਮਹਿਕਮੇ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਇਸ ਦੌਰਾਨ ਕੋਵਿਡ-19 ਵੈਕਸੀਨੇਸ਼ਨ ਦਾ ਅੰਕੜਾ 17,01,76,603 ਹੈ।
ਇੰਡੀਅਨ ਕਾਉਂਸਿਲ ਆਫ ਮੈਡੀਕਲ ਰੀਸਰਚ (ਆਈਸੀਐੱਮਆਰ) ਦੇ ਮੁਤਾਬਕ, 9 ਮਈ ਨੂੰ ਕੋਵਿਡ-19 ਦੇ 30,37,50,077 ਨਮੂਨੇ ਲਏ ਗਏ ਸਨ, ਜਿਹਨਾਂ ਵਿੱਚੋਂ 14,74,606 ਦੀ ਕੱਲ ਐਤਵਾਰ ਨੂੰ ਜਾਂਚ ਕੀਤੀ ਗਈ।
ਜ਼ਿਕਰਯੋਗ ਹੈ ਕਿ ਇਸ ਵੇਲੇ ਭਾਰਤ ਕੋਵਿਡ-19 ਦੀ ਦੂਜੀ ਵਿਨਾਸ਼ਕਾਰੀ ਲਹਿਰ ਨਾਲ ਜੂਝ ਰਿਹਾ ਹੈ, ਜਿਸਨੇ ਪੂਰੇ ਮੁਲਕ ਦੇ ਸਿਹਤ ਢਾਂਚੇ ਨੂੰ ਤਬਾਹ ਕਰ ਦਿੱਤਾ ਹੈ ਅਤੇ ਫਰੰਟਲਾਈਨ ਮੈਡੀਕਲ ਕਾਮਿਆਂ 'ਤੇ ਵਾਧੂ ਭਾਰ ਪਾ ਦਿੱਤਾ ਹੈ।
