ਭਾਰਤ ਦੀ ਰੋਜ਼ਾਨਾ ਕੋਵਿਡ-19 ਲਾਗ ਦੀ ਦਰ ਘਟ ਕੇ ਹੋਈ 9.54 ਫ਼ੀਸਦ

ਭਾਰਤ ਦੇ ਕੇਂਦਰੀ ਸਿਹਤ ਮਹਿਕਮੇ ਦੇ ਅੱਜ ਮੰਗਲਵਾਰ ਨੂੰ ਜਾਰੀ ਹੋਏ ਅੰਕੜਿਆਂ ਮੁਤਾਬਕ, ਮੁਲਕ ਵਿੱਚ ਬੀਤੇ 24 ਘੰਟਿਆਂ ਦੌਰਾਨ 1,96,427 ਤਾਜ਼ੇ ਮਾਮਲੇ ਅਤੇ 3,26,850 ਸਿਹਤਯਾਬ ਹੋਏ ਮਾਮਲਿਆਂ ਦੇ ਨਾਲ ਕੋਵਿਡ-19 ਦੇ ਨਵੇਂ ਮਾਮਲਿਆਂ ਦੀ ਰੋਜ਼ਾਨਾ ਦਰ ਵਿੱਚ 9.54 ਫ਼ੀਸਦ ਕਮੀ ਆਈ ਹੈ|

ਮਹਿਕਮੇ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ ਰੋਜ਼ਾਨਾ ਦੇ ਨਵੇਂ ਮਾਮਲੇ 2 ਲੱਖ ਤੋਂ ਵੀ ਹੇਠਾਂ ਆਏ ਹਨ, ਜੋ 40 ਦਿਨ ਪਹਿਲਾਂ ਦੇਖੇ ਗਏ ਸਨ (14 ਅਪ੍ਰੈਲ, 2021 ਨੂੰ 1,84,372 ਨਵੇਂ ਮਾਮਲੇ ਦੇਖੇ ਗਏ ਸਨ)|

ਇਸਦੇ ਨਾਲ ਹੀ, ਸਰਗਰਮ ਮਾਮਲੇ ਵੀ ਲਗਾਤਾਰ ਘਟ ਕੇ ਹੁਣ 25,86,782 ਤੱਕ ਪੁੱਜ ਚੁੱਕੇ ਹਨ।

ਦਰਅਸਲ, 10 ਮਈ, 2021 ਨੂੰ, ਪਿਛਲੀ ਵਾਰ ਜਦੋਂ ਮੁਲਕ ਵਿੱਚ ਕੋਰੋਨਾ ਵਾਇਰਸ ਦੇ ਸਰਗਰਮ ਮਾਮਲੇ ਆਪਣੀ ਚਰਮ ਸੀਮਾ 'ਤੇ ਸਨ, ਉਸ ਤੋਂ ਬਾਅਦ ਇਹ ਘਟ ਹੀ ਰਹੇ ਹਨ।

ਬੀਤੇ 24 ਘੰਟਿਆਂ ਵਿੱਚ ਕੁਲ 1,33,934 ਮਾਮਲੇ ਘਟੇ ਵੇਖੇ ਗਏ ਹਨ| ਕੇਂਦਰੀ ਸਿਹਤ ਮਹਿਕਮੇ ਮੁਤਾਬਕ ਹੁਣ ਪੂਰੇ ਮੁਲਕ ਦੇ ਕੁਲ ਪੌਜ਼ਿਟਿਵ ਮਾਮਲਿਆਂ ਦਾ 9 .60 ਫ਼ੀਸਦ ਮਾਮਲੇ ਹੀ ਰਹਿ ਗਏ ਹਨ।

ਭਾਰਤ ਵਿੱਚ ਹੁਣ ਸਿਹਤਯਾਬ ਹੋਣ ਦੇ ਰੋਜ਼ਾਨਾ ਦੇ ਮਾਮਲੇ ਨਵੇਂ ਮਾਮਲਿਆਂ ਨਾਲੋਂ ਲਗਾਤਾਰ 12 ਵੇਂ ਦਿਨ ਘਟੇ ਹਨ।

ਬੀਤੇ 24 ਘੰਟਿਆਂ ਦੌਰਾਨ ਮਰੀਜ਼ਾਂ ਦੇ ਸਿਹਤਯਾਬ ਹੋਣ ਦੇ 3,26,850 ਮਾਮਲੇ ਦਰਜ ਕੀਤੇ ਗਏ ਹਨ, ਜਿਸਦੇ ਨਾਲ ਹੀ ਭਾਰਤ ਵਿੱਚ ਸਿਹਤਯਾਬ ਹੋਣ ਦੇ ਮਾਮਲੇ ਅੱਜ 2,40,54,861 ਹੋ ਚੁੱਕੇ ਹਨ| ਕੌਮੀ ਰਿਕਵਰੀ ਦਰ ਵੀ ਹੁਣ ਸੁਧਰ ਕੇ 89 ਤੱਕ ਪੁੱਜ ਚੁੱਕੀ ਹੈ।

ਮੁਲਕ ਵਿੱਚ 20,58,112 ਟੈਸਟਾਂ 'ਚੋਂ 26 ਫ਼ੀਸਦ ਟੈਸਟ ਬੀਤੇ 24 ਘੰਟਿਆਂ ਵਿੱਚ ਹੀ ਕੀਤੇ ਗਏ ਹਨ ਅਤੇ ਹੁਣ ਤੱਕ ਲਗਾਤਾਰ 33,25,94,176 ਟੈਸਟ ਕੀਤੇ ਜਾ ਚੁੱਕੇ ਹਨ।

ਸਿਹਤ ਅਤੇ ਪਰਿਵਾਰ ਭਲਾਈ ਮਹਿਕਮੇ ਵੱਲੋਂ ਮਿਲੀ ਜਾਣਕਾਰੀ ਤੇ ਤਹਿਤ, ਅੱਜ ਸਵੇਰੇ 7 ਵਜੇ ਦੀ ਸੂਬਾਈ ਰਿਪੋਰਟ ਦੇ ਮੁਤਾਬਕ, ਵੈਕਸੀਨ ਦੀਆਂ ਕੁਲ 19,85,38,999 ਖੁਰਾਕਾਂ 28,41,151 ਸੈਸ਼ਨਜ਼ ਵਿੱਚ ਦਿੱਤੀਆਂ ਜਾ ਚੁੱਕੀਆਂ ਹਨ।

ਇਸ ਕੰਮ ਦੌਰਾਨ 97,79,304 ਸਿਹਤ ਕਾਮਿਆਂ (ਐਚਸੀਡਬਲਿਊਸ) ਨੂੰ ਪਹਿਲੀ ਅਤੇ 67,18,723 ਐਚਸੀਡਬਲਿਊਸ ਨੂੰ ਦੂਜੀ ਖ਼ੁਰਾਕ ਦਿੱਤੀ ਗਈ ਹੈ।

ਕੁਲ ਮਿਲਾ ਕੇ, 1,50,79,964 ਫਰੰਟਲਾਈਨ ਕਾਮਿਆਂ ਨੂੰ ਹੁਣ ਤੱਕ ਵੈਕਸੀਨ ਦੀ ਪਹਿਲੀ ਅਤੇ 83,55,982 ਐੱਫਐੱਲਡਬਲਿਊਸ ਨੂੰ ਦੂਜੀ ਖ਼ੁਰਾਕ ਲੱਗ ਚੁੱਕੀ ਹੈ।

ਇਸਦੇ ਨਾਲ ਹੀ 18-44 ਉਮਰ ਵਰਗ ਦੇ 1,19,11,759 ਲਾਭਪਾਤਰੀਆਂ ਨੂੰ ਵੀ ਪਹਿਲੀ ਖ਼ੁਰਾਕ ਦਿੱਤੀ ਜਾ ਚੁੱਕੀ ਹੈ।
45-60 ਉਮਰ ਵਰਗ ਦੇ 6,15,48,484 ਲੋਕਾਂ ਨੂੰ ਪਹਿਲੀ ਖ਼ੁਰਾਕ ਲੱਗ ਚੁੱਕੀ ਹੈ ਅਤੇ ਇਸੇ ਉਮਰ ਵਰਗ ਦੇ 99,15,278 ਲਾਭਪਾਤਰੀਆਂ ਨੂੰ ਦੂਜੀ ਖ਼ੁਰਾਕ ਲੱਗ ਚੁੱਕੀ ਹੈ।

ਇਸ ਤੋਂ ਅਲਾਵਾ 60 ਸਾਲਾਂ ਤੋਂ ਉੱਤੇ ਦੇ 5,69,15,863 ਲਾਭਪਾਤਰੀਆਂ ਨੂੰ ਪਹਿਲੀ ਅਤੇ 1,83,13,642 ਲਾਭਪਾਤਰੀਆਂ ਨੂੰ ਦੂਜੀ ਖ਼ੁਰਾਕ ਦਿੱਤੀ ਜਾ ਚੁੱਕੀ ਹੈ।

ਬੀਤੇ 24 ਘੰਟਿਆਂ ਵਿੱਚ 18-44 ਉਮਰ ਵਰਗ ਦੇ ਲੋਕਾਂ ਲਈ ਵੈਕਸੀਨ ਦੀਆਂ 12.82 ਲੱਖ ਖ਼ੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ।

ਜ਼ਿਕਰਯੋਗ ਹੈ ਕਿ ਸਿਹਤ ਮਹਿਕਮੇ ਮੁਤਾਬਕ 1 ਮਈ,2021 ਤੋਂ, ਜਦੋਂ ਲਿਬਰਲਾਇਸਡ ਪ੍ਰਾਈਸਿੰਗ ਅਤੇ ਕੋਵਿਡ-19 ਦੀ ਵੈਕਸੀਨ ਦੀ ਕੌਮੀ ਵਿਓਂਤ ਲਾਗੂ ਕੀਤੀ ਗਈ ਹੈ, ਇਹ ਦਰ ਸਭ ਤੋਂ ਵੱਧ ਹੈ।