20.29C Vancouver 20.29C VancouverMay 11, 2022 8:17 PM - The Canadian Press
ਸਸਕੈਚਵਿਨ ਦੇ ਵਿੱਚ ਇੱਕ ਇੰਡੀਜਨਸ ਗਰੁੱਪ ਵੱਲੋਂ ਵੈਨਕੂਵਰ ਪੁਲਿਸ ਨੂੰ ਅਪੀਲ ਕੀਤੀ ਗਈ ਹੈ ਕਿ ਇੱਕ ਔਰਤ ਦੀ ਮੌਤ ਦੇ ਮਾਮਲੇ 'ਚ ਜਾਂਚ ਕੀਤੀ ਜਾਵੇ।
ਮਾਮਲਾ 24 ਸਾਲਾ ਔਰਤ ਦੀ ਮੌਤ ਨਾਲ ਸੰਬੰਧਤ ਹੈ। ਔਰਤ ਦੇ ਅਵਸ਼ੇਸ਼ ਇੱਕ ਖਾਲੀ ਪਏ ਘਰ 'ਚ ਮਿਲੇ ਸਨ।
ਉਸ ਦੇ ਅਵਸ਼ੇਸ਼ ਉਸ ਸਮੇਂ ਮਿਲੇ ਸਨ ਜਦ ਉਸ ਨੂੰ ਲਾਪਤਾ ਰਿਪੋਰਟ ਕੀਤੇ ਕਰੀਬ 2 ਸਾਲ ਹੋ ਚੁੱਕੇ ਸਨ।
ਫੈਡਰੇਸ਼ਨ ਆਫ ਸੌਵਰਨ ਇੰਡੀਜਨਸ ਨੇਸ਼ਨਸ ਦਾ ਕਹਿਣਾ ਹੈ ਕਿ ਚੈਲਸੀ ਪੂਅਰਮੈਨ ਦੇ ਪਰਿਵਾਰ ਦਾ ਹੱਕ ਹੈ ਕਿ ਉਨ੍ਹਾਂ ਨੂੰ ਜਾਣਕਾਰੀ ਦਿੱਤੀ ਜਾਵੇ ਕਿ ਆਖਿਰ ਉਸ ਦੇ ਨਾਲ ਹੋਇਆ ਕੀ ਸੀ।
ਔਰਤ ਦੇ ਅਵਸ਼ੇਸ਼ ਉਸ ਸਮੇਂ ਮਿਲੇ ਸਨ ਜਦ ਅਪ੍ਰੈਲ 'ਚ ਕੰਟ੍ਰੈਕਟਰਸ ਨੇ ਇਸ ਘਰ 'ਚ ਕੰਮ ਕਰਨ ਲਈ ਪਹੁੰਚ ਕੀਤੀ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਕਵਾਕ-ਟੂਸ ਫਰਸਟ ਨੇਸ਼ਨ ਦੀ ਔਰਤ ਦੀ ਮੌਤ ਦੇ ਮਾਮਲੇ 'ਚ ਜਾਂਚ ਕੀਤੀ ਗਈ ਸੀ ਅਤੇ ਉਸ ਦੇ ਪਰਿਵਾਰਿਕ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ ਗਈ ਹੈ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਔਰਤ ਦੀ ਮੌਤ ਸਿਤੰਬਰ 2020 'ਚ ਲਾਪਤਾ ਹੋਣ ਦੀ ਰਾਤ ਹੀ ਇਸ ਪ੍ਰਾਪਰਟੀ 'ਤੇ ਹੋਈ ਮੰਨੀ ਜਾ ਰਹੀ ਹੈ।
