15.32C Vancouver 15.32C VancouverFeb 26, 2020 10:27 PM -
ਬੀ.ਸੀ. ਵਿਧਾਨ ਸਭਾ ਦੇ ਕੋਲ ਯੁਵਾ ਪ੍ਰਦਰਸ਼ਨਕਾਰੀਆਂ ਦਾ ਇੱਕ ਸਮੂਹ, ਸ਼ਾਂਤਮਈ ਢੰਗ ਨਾਲ ਪ੍ਰਦਰਸ਼ਨ ਕਰ ਰਿਹਾ ਹੈ।
ਇਹ ਪ੍ਰਦਰਸ਼ਨ ਵੈਟ'ਸੁਵੈਟ'ਐਨ ਹੈਰੀਡਿਟਰੀ ਚੀਫਸ ਦੇ ਪੱਖ ਵਿੱਚ ਅਤੇ ਪਾਈਪਲਾਈਨ ਦਾ ਵਿਰੋਧ ਕਰਨ ਲਈ ਕੀਤੇ ਜਾ ਰਹੇ ਹਨ।
ਪ੍ਰਦਰਸ਼ਨਕਾਰੀਆਂ ਦਾ ਇਹ ਸਮੂਹ ਵਿਧਾਨ ਸਭਾ ਦੀਆਂ ਪੌੜੀਆਂ 'ਚ ਬੈਠਾ ਸੀ।
ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਹੈ ਕਿ ਕੋਸਟਲ ਗੈਸਲਿੰਕ ਪ੍ਰੋਜੈਕਟ ਨੂੰ ਰੋਕਣ ਲਈ ਓਹ ਸੂਬੇ ਅਤੇ ਫੈਡਰਲ ਸਰਕਾਰ ਦੇ ਦਫਤਰ ਘੇਰਨ ਲਈ ਅਤੇ ਰੇਲ ਲਾਈਨਸ ਨੂੰ ਰੋਕਣ ਲਈ ਤਿਆਰ ਹਨ।
ਇਸ ਸਮੂਹ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਵੀ ਕੀਤੀ ਅਤੇ ਦੱਸਿਆ ਕਿ ਪ੍ਰਦਰਸ਼ਨ ਇਸਲਈ ਕੀਤੇ ਜਾ ਰਹੇ ਹਨ, ਤਾਂ ਜੋ ਓਹ ਆਪਣੀ ਪਵਿੱਤਰ ਧਰਤੀ ਅਤੇ ਪਾਣੀਆਂ ਨੂੰ ਅਜਿਹੇ ਪ੍ਰੋਜੈਕਟਸ ਤੋਂ ਬਚਾ ਸਕਣ।
ਸਮੂਹ ਦੀ ਬੁਲਾਰੀ ਤਾ'ਕਿਆਹ ਦਾ ਕਹਿਣਾ ਸੀ ਕਿ ਪ੍ਰਦਰਸ਼ਨਕਾਰੀਆਂ ਨੂੰ ਗਿਰਫਤਾਰ ਕੀਤਾ ਜਾ ਰਿਹਾ ਹੈ, ਅਤੇ ਅਪਰਾਧਿਕ ਇਲਜਾਮ ਲਗਾਏ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਅਜਿਹਾ ਸਿਰਫ ਇਸਲਈ ਕੀਤੇ ਜਾ ਰਿਹਾ ਹੈ, ਕਿਉਂਕਿ ਓਹ ਆਪਣੇ ਬੱਚਿਆਂ ਅਤੇ ਭਵਿੱਖ ਨੂੰ ਬਚਾਉਣਾ ਚਾਹੁੰਦੇ ਹਨ।
ਇਸ ਸਮੂਹ 'ਚ ਕੁਝ ਦਰਜਨ ਲੋਕ ਇਕੱਠੇ ਹੋਏ ਹਨ।
ਹਾਲਾਂਕਿ ਇਕੱਠ ਦੇ ਮੱਦੇਨਜਰ ਵਿਧਾਨ ਸਭਾ ਦੇ ਕੋਲ ਪੁਲਿਸ ਵੀ ਮੌਜੂਦ ਹੈ।
ਸਿਰ ਢਕਣ ਲਈ ਅਤੇ ਖਾਣੇ ਲਈ ਨੇੜੇ ਹੀ ਤੰਬੂ ਲਗਾਏ ਜਾਣ ਦੀਆਂ ਵੀ ਖਬਰਾਂ ਸਨ।
