ਬੀ.ਸੀ. 'ਚ ਬੀਤੇ ਮਹੀਨੇ ਦੇ ਇੰਫਲੇਸ਼ਨ ਦੇ ਅੰਕੜੇ ਬਾਕੀ ਸੂਬਿਆਂ ਮੁਕਾਬਲੇ ਕੁਝ ਬਿਹਤਰ

ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਸਾਂਝੇ ਕੀਤੇ ਗਏ ਇੰਫਲੇਸ਼ਨ ਦੇ ਅੰਕੜੇ ਦੇਸ਼ 'ਚ ਕਰੀਬ 18 ਸਾਲ 'ਚ ਦਰਜ ਕੀਤੇ ਗਏ ਮਹਿੰਗਾਈ ਦੇ ਅੰਕੜੇ 'ਚ ਰਿਕਾਰਡ ਵਾਧਾ ਦਰਸ਼ਾਉਂਦੇ ਹਨ।

ਸਿਤੰਬਰ ਮਹੀਨੇ 'ਚ 4.4% ਦੇ ਵਾਧੇ ਪਿੱਛੇ ਗੈਸ ਕੀਮਤਾਂ 'ਚ ਹੋਏ ਵਾਧੇ ਨੂੰ ਮੁੱਖ ਕਾਰਨ ਦੱਸਿਆ ਗਿਆ ਹੈ।

ਇਸੇ ਦੌਰਾਨ ਸਿਤੰਬਰ ਮਹੀਨੇ 'ਚ ਬੀ.ਸੀ. 'ਚ ਇੰਫਲੇਸ਼ਨ ਦੀ ਦਰ 3.5% ਦੱਸੀ ਗਈ।

ਵੈਨਕੂਵਰ 'ਚ ਅਗਸਤ ਮਹੀਨੇ 'ਚ ਦਰਜ ਕੀਤੇ ਗਏ 3.3% ਦੇ ਅੰਕੜੇ ਦੇ ਮੁਕਾਬਲੇ ਸਿਤੰਬਰ 'ਚ ਮਹਿੰਗਾਈ ਦਰ 3.6% 'ਤੇ ਦਰਜ ਕੀਤੀ ਗਈ।

ਉੱਧਰ ਵਿਕਟੋਰੀਆ 'ਚ ਅਗਸਤ 'ਚ ਦਰਜ ਕੀਤੀ ਗਈ 3.2% ਦੀ ਇੰਫਲੇਸ਼ਨ ਦੇ ਮੁਕਾਬਲੇ 8 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਅਤੇ ਸਿਤੰਬਰ 'ਚ ਇੰਫਲੇਸ਼ਨ ਦਰ 2.4% 'ਤੇ ਦਰਜ ਕੀਤੀ ਗਈ।