7.63C Vancouver 7.63C VancouverJan 5, 2020 12:38 AM -
ਇਰਾਨ ਦੇ ਚੋਟੀ ਦੇ ਜਰਨੈਲ ਕਾਸਿਮ ਸੁਲੇਮਾਨੀ ਦੇ ਮਾਰੇ ਜਾਣ 'ਤੇ ਵੱਖੋ ਵੱਖਰੇ ਖੇਤਰਾਂ ਤੋਂ ਭਾਂਤ-ਭਾਂਤ ਦੀਆਂ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ।
ਇਸੇ ਦੌਰਾਨ ਟੋਰਾਂਟੋ ਵਿੱਚ ਸ਼ੁੱਕਰਵਾਰ ਨੂੰ ਦਰਜਨਾਂ ਇਰਾਨੀ-ਕਨੇਡੀਅਨ ਲੋਕਾਂ ਵੱਲੋਂ ਨੱਚ ਟੱਪ ਕੇ ਜਰਨੈਲ ਦੇ ਮਾਰੇ ਜਾਣ ਦੀ ਖੁਸ਼ੀ ਮਨਾਉਣ ਦੀਆਂ ਤਸਵੀਰਾਂ ਉਜਾਗਰ ਹੋਈਆਂ ਹਨ।
ਟੋਰਾਂਟੋ ਵਿੱਚ ਨੱਚ ਟੱਪ ਕੇ ਸੁਲੇਮਾਨੀ ਦੀ ਮੌਤ ਦੇ ਜਸ਼ਨ ਮਨਾਉਣ ਵਾਲਿਆਂ ਦਾ ਮੰਨਣਾ ਹੈ ਕਿ ਇਸਦੇ ਨਾਲ ਇਰਾਨ ਦਾ ਨਵਾਂ ਜਨਮ ਹੋਵੇਗਾ।
ਟੋਰਾਂਟੋ ਵਿੱਚ ਕੱਢੀ ਇੱਕ ਰੈਲੀ ਦੌਰਾਨ 'ਇਰਾਨ ਵਿਚ ਤਖਤਾ ਪਲਟੋ' ਅਤੇ 'ਅਸੀਂ ਇਰਾਨ ਵਿੱਚ ਵਿਦਰੋਹ ਦਾ ਸਮਰਥਨ ਕਰਦੇ ਹਾਂ' ਵਰਗੇ ਨਾਅਰੇ ਗੂੰਜਦੇ ਸੁਣਾਈ ਦਿੱਤੇ।
ਇਰਾਨ ਡੈਮੋਕਰੈਟਿਕ ਐਸੋਸੀਏਅਸ਼ਨ ਆਫ ਕੈਨੇਡਾ (Iran Democratic Association of Canada) ਦੇ ਬੁਲਾਰੇ ਹਮੀਦ ਘਰਾਜੇਹ ਨੇ ਕਿਹਾ ਕਿ 'ਸੁਲੇਮਾਨੀ ਦੀ ਮੌਤ ਤੋਂ ਬਾਅਦ ਆਪਾਂ ਇੱਕ ਬੇਹਤਰੀਨ ਦੁਨੀਆ ਦਾ ਹਿੱਸਾ ਹਾਂ।'
ਉਨ੍ਹਾਂ ਕਿਹਾ 'ਮੈਂ ਬੇਹਦ ਖੁਸ਼ ਹਾਂ ਕਿਉਂਕਿ ਇਸ ਕਾਰਵਾਈ ਦੀ ਲੰਮੇ ਸਮੇਂ ਤੋਂ ਉਡੀਕ ਸੀ।'
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਅਧਿਕਾਰਿਤ ਅਮਰੀਕੀ ਹਵਾਈ ਹਮਲੇ ਵਿੱਚ ਕਾਸਿਮ ਸੁਲੇਮਾਨੀ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਹੈ। ਸੁਲੇਮਾਨੀ ਇਰਾਨ ਦੀ ਨਾਮੀ ਕੁਦਸ ਫੋਰਸ ਦੇ ਮੁਖੀ ਸਨ।
