ਗਾਜ਼ਾ ਵਿੱਚ ਇਸਰਾਈਲੀ ਗੋਲੀਬਾਰੀ ਨਾਲ ਦੋ ਮੌਤਾਂ

ਗਾਜ਼ਾ ਵਿੱਚ ਬੁੱਧਵਾਰ ਨੂੰ ਇਸਰਾਈਲ ਵੱਲੋਂ ਕੀਤੀ ਗਈ ਗੋਲੀਬਾਰੀ ਦੀਆਂ ਵੱਖ-ਵੱਖ ਘਟਨਾਵਾਂ ਵਿੱਚ ਲਗਭਗ ਦੋ ਫ਼ਲਸਤੀਨੀ ਮਾਰੇ ਗਏ ਹਨ। ਸਥਾਨਕ ਹਸਪਤਾਲ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਕੇਂਦਰੀ ਗਾਜ਼ਾ ਦੇ ਅਲ-ਮੁਘਰਾਕਾ ਅਤੇ ਦੱਖਣੀ ਰਫ਼ਾਹ ਦੇ ਅਲ-ਮਵਾਸੀ ਇਲਾਕੇ ਵਿੱਚ ਤਿੰਨ ਹੋਰ ਫ਼ਲਸਤੀਨੀ ਜ਼ਖ਼ਮੀ ਹੋਏ ਹਨ।

ਇਹ ਘਟਨਾਵਾਂ ਇਸਰਾਈਲ ਰਫ਼ਾਹ ਬਾਰਡਰ ਕ੍ਰਾਸਿੰਗ ਰਾਹੀਂ ਇਲਾਜ ਲਈ ਬਾਹਰ ਜਾਣ ਦੀ ਕੋਸ਼ਿਸ਼ ਕਰ ਰਹੇ ਹਜ਼ਾਰਾਂ ਮਰੀਜ਼ਾਂ ਨੂੰ ਰੋਕ ਦੀ ਕੋਸ਼ਿਸ਼ ਦੌਰਾਨ ਵਾਪਰੀਆਂ ਹਨ। ਕੁਝ ਸਮਾਂ ਪਹਿਲਾਂ ਮਿਸਰ ਨਾਲ ਲੱਗਦੀ ਰਾਫਾਹ ਕਰਾਸਿੰਗ ਨੂੰ ਖੋਲ੍ਹੇ ਜਾਣ ਤੋਂ ਬਾਅਦ ਲਗਭਗ ਢਾਈ ਹਫ਼ਤਿਆਂ ਵਿੱਚ ਸਿਰਫ 260 ਮਰੀਜ਼ ਗਾਜ਼ਾ ਤੋਂ ਬਾਹਰ ਜਾ ਸਕੇ ਹਨ ਅਤੇ ਲਗਭਗ 18,500 ਲੋਕਾਂ ਨੂੰ ਤੁਰੰਤ ਮੈਡੀਕਲ ਲਈ ਗਾਜਾ ਤੋਂ ਬਾਹਰ ਜਾਣ ਦੀ ਲੋੜ ਹੈ।

ਫ਼ਲਸਤੀਨ ਦੇ ਸਿਹਤ ਮੰਤਰਾਲੇ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਅਕਤੂਬਰ ਦੇ ਅੱਧ ਵਿੱਚ ਲਾਗੂ ਹੋਏ ਸੀਜ਼ਫਾਇਰ ਤੋਂ ਬਾਅਦ 600 ਤੋਂ ਵੱਧ ਫ਼ਲਸਤੀਨੀ ਮਾਰੇ ਗਏ ਅਤੇ 1,600 ਤੋਂ ਵੱਧ ਜ਼ਖ਼ਮੀ ਹੋਏ ਹਨ।