24.31C Vancouver 24.31C VancouverJul 1, 2020 11:32 PM -
ਇਟਲੀ ਪੁਲਿਸ ਨੇ ਵਿਸ਼ਵ ਦੀ ਸਭ ਤੋਂ ਵੱਡੀ ਡਰੱਗਸ ਦੀ ਬਰਾਮਦਗੀ ਦਾ ਦਾਅਵਾ ਕੀਤਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਐਮਫਿਟਾਮਿਨਜ਼ ਦੀ 14 ਮੈਟ੍ਰਿਕ ਟੰਨ (15.4 ਯੂ.ਐਸ. ਟੰਨ) ਦੀ ਮਾਤਰਾ 'ਚ ਬਰਾਮਦਗੀ ਹੋਈ ਹੈ।
ਇਸ ਨੂੰ ਕਥਿਤ ਤੌਰ 'ਤੇ ਸੀਰੀਆ 'ਚ ਆਈ.ਐਸ.ਆਈ.ਐਸ. (ISIS) ਵੱਲੋਂ ਬਣਾਇਆ ਗਿਆ ਸੀ।
ਗੁਆਰਡੀਆ ਡੀ ਫੀਨਾਨਜ਼ਾ ਫਾਇਨੈਨਸ਼ੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਅਫ਼ਸਰਾਂ ਨੇ ਤਿੰਨ ਸ਼ੱਕੀ ਕੰਟੇਨਰਾਂ ਨੂੰ ਇਟਲੀ ਦੇ ਦੱਖਣਪੱਛਮ 'ਚ ਸਥਿਤ ਸਲੇਰਨੋ ਦੇ ਪੋਰਟ ਵੱਲ ਜਾਂਦੇ ਵੇਖਿਆ ਸੀ।
ਤਲਾਸ਼ੀ ਦੌਰਾਨ 84 ਮਿਲੀਅਨ ਗੋਲੀਆਂ (8 ਕਰੋੜ 40 ਲੱਖ ਗੋਲੀਆਂ) ਬਰਾਮਦ ਹੋਈਆਂ।
ਇਸ ਦੀ ਬਾਜ਼ਾਰ ਦੀ ਕੀਮਤ 1.12 ਬਿਲੀਅਨ ਅਮਰੀਕੀ ਡਾਲਰ ਦੱਸੀ ਗਈ ਹੈ।
ਨੇਲਪਜ਼ ਸ਼ਹਿਰ ਦੀ ਫਾਇਨੈਨਸ਼ੀਅਲ ਪੁਲਿਸ ਦੇ ਮੁਖੀ, ਕਮਾਂਡਰ ਡੋਮੈਨਿਕੋ ਨਾਪੋਲਿਤਾਨੋ ਦਾ ਕਹਿਣਾ ਸੀ ਕਿ, "ਅਸੀਂ ਉਨ੍ਹਾਂ ਨੂੰ ਵੇਖ ਨਹੀਂ ਪਾਏ ਸੀ, ਪਰ ਸਾਨੂੰ ਪਤਾ ਸੀ ਕਿ ਉਹ ਆ ਰਹੇ ਸੀ, ਕਿਉਂਕਿ ਅਸੀਂ ਲਗਾਤਾਰ ਜਾਂਚ ਜਾਰੀ ਰੱਖੀ ਸੀ ਅਤੇ ਫੋਨ 'ਤੇ ਹੋ ਰਹੀ ਗੱਲਬਾਤ ਨੂੰ ਇੰਟਰਸੈਪਟ ਕੀਤਾ ਸੀ।"
ਦੱਸਿਆ ਗਿਆ ਕਿ ਡੀ.ਈ.ਏ. (US Drug Enforcement Administration) ਦੇ ਅਨੁਸਾਰ, ਆਈ.ਐਸ.ਆਈ.ਐਸ. ਵੱਲੋਂ ਅਜਿਹੀਆਂ ਡਰੱਗਸ ਵੱਡੀ ਗਿਣਤੀ 'ਚ ਬਣਾਈਆਂ ਜਾਂਦੀਆਂ ਹਨ।
