ਜਗਮੀਤ ਸਿੰਘ ਨੇ ਐਲੋਨ ਮਸਕ ਵਲੋਂ ਪੀਅਰ ਪੌਲੀਐਵ ਦਾ ਸਮਰਥਨ ਕਰਨ ਦੀ ਕੀਤੀ ਆਲੋਚਨਾ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਐਲੋਨ ਮਸਕ ਵਲੋਂ ਪੀਅਰ ਪੌਲੀਐਵ ਦਾ ਸਮਰਥਨ ਕਰਨ ਨੂੰ ਲੈ ਕੇ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ’ਤੇ ਨਿਸ਼ਾਨਾ ਸਾਧਿਆ ਹੈ। ਟੋਰਾਂਟੋ ਵਿਚ ਇੱਕ ਪ੍ਰੋਗਰਾਮ ਵਿਚ ਸੰਬੋਧਨ ਦੌਰਾਨ ਜਗਮੀਤ ਸਿੰਘ ਨੇ ਕਿਹਾ ਕਿ ਐਲੋਨ ਮਸਕ ਨੂੰ ਪਤਾ ਹੈ ਕਿ ਕੈਨੇਡਾ ਵਿਚ ਜੇ ਉਨ੍ਹਾਂ ਦਾ ਕੋਈ ਹੈ ਜੋ ਉਨ੍ਹਾਂ ਦੇ ਟੈਰਿਫ ਖਿਲਾਫ ਪ੍ਰਤੀਕਿਰਿਆ ਨਹੀਂ ਦੇਵੇਗਾ ਤਾਂ ਉਹ ਪੌਲੀਐਵ ਹੈ।

ਜਗਮੀਤ ਨੇ ਕਿਹਾ ਕਿ ਮਸਕ ਮੇਰਾ ਸਮਰਥਨ ਨਹੀਂ ਕਰੇਗਾ ਕਿਉਂਕਿ ਉਸ ਨੂੰ ਪਤਾ ਹੈ ਕਿ ਇਹ ਵਿਅਕਤੀ ਅਰਬਪਤੀਆਂ ਦੀ ਸਪੋਰਟ ਨਹੀਂ ਕਰਦਾ।

ਗੌਰਤਲਬ ਹੈ ਕਿ ਐਲੋਨ ਮਸਕ ਨੇ ਹਾਲ ਹੀ ਵਿਚ ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਪੌਲੀਐਵ ਦਾ ਸਮਰਥਨ ਕਰਦੇ ਹੋਏ ਉਨ੍ਹਾਂ ਦੀ ਪ੍ਰਸ਼ੰਸਾ ਕੀਤੀ ਸੀ।

ਮਸਕ ਨੇ ਉਨ੍ਹਾਂ ਦੇ ਟਵੀਟ ਰੀਪੋਸਟ ਕੀਤੇ ਸਨ ਅਤੇ ਉਨ੍ਹਾਂ ਦੀ ਭਾਸ਼ਣ ਅਤੇ ਮੀਡੀਆ ਨਾਲ ਗੱਲ ਕਰਨ ਦੇ ਤਰੀਕੇ ਦੀ ਸ਼ਲਾਘਾ ਕੀਤੀ ਸੀ। ਇਸ ਦੇ ਨਾਲ ਹੀ ਮਸਕ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਅਸਤੀਫ਼ੇ ’ਤੇ ਉਨ੍ਹਾਂ ਦਾ ਮਜ਼ਾਕ ਉਡਾਇਆ ਸੀ।