ਜਗਮੀਤ ਸਿੰਘ ਨੇ ਬਰੁੱਕਫੀਲਡ ਕੰਪਨੀ ਦੇ ਟੈਕਸ ਹੇਵਨ ਨਾਲ ਸਬੰਧਾਂ ਨੂੰ ਲੈ ਕੇ ਮਾਰਕ ਕਾਰਨੀ 'ਤੇ ਸਾਧਿਆ ਨਿਸ਼ਾਨਾ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਬਰੁੱਕਫੀਲਡ ਕੰਪਨੀ ਦੇ ਟੈਕਸ ਹੇਵਨ ਨਾਲ ਸਬੰਧਾਂ ਨੂੰ ਲੈ ਕੇ ਮਾਰਕ ਕਾਰਨੀ 'ਤੇ ਨਿਸ਼ਾਨਾ ਸਾਧਿਆ ਹੈ। ਜਗਮੀਤ ਸਿੰਘ ਨੇ ਕਿਹਾ ਕਿ ਮੈਨੂੰ ਚਿੰਤਾ ਹੈ ਕਿ ਕਾਰਨੀ ਆਫਸ਼ੋਰ ਟੈਕਸ ਹੇਵਨਜ਼ 'ਤੇ ਕਾਰਵਾਈ ਨਹੀਂ ਕਰਨਗੇ ਕਿਉਂਕਿ ਜਿਸ ਬਰੁੱਕਫੀਲਡ ਕੰਪਨੀ ਦੇ ਉਹ ਮੁਖੀ ਸਨ, ਉਸ ਦੀਆਂ ਆਪਣੀਆਂ ਏਂਟਟੀਜ਼ ਟੈਕਸ ਹੇਵਨਜ਼ ਕੇਮੈਨ ਆਈਲੈਂਡਜ਼ ਵਿਚ ਰਜਸਿਟਰਡ ਹਨ। ਜਗਮੀਤ ਸਿੰਘ ਨੇ ਕਿਹਾ ਕਿ ਬੇਸ਼ੱਕ ਇਹ ਲੀਗਲ ਹੈ ਪਰ ਇਹ ਕੈਨੇਡੀਅਨ ਨਿਵੇਸ਼ ਨਾਲ ਧੋਖਾ ਹੈ।

ਜਗਮੀਤ ਸਿੰਘ ਨੇ ਕਿਹਾ ਕਿ ਇਹ ਇਸ ਗੱਲ ਦਾ ਸਬੂਤ ਹੈ ਕਿ ਕਾਰਨੀ ਨੇ ਇਨ੍ਹਾਂ ਫੰਡਾਂ ਦਾ ਪ੍ਰਬੰਧਨ ਕਰਦੇ ਸਮੇਂ ਕੈਨੇਡਾ ਵਿਚ ਕੋਂਟਰੀਬਿਊਟ ਨਾ ਕਰਨ ਦਾ ਫੈਸਲਾ ਕੀਤਾ ਅਤੇ ਇਸ ਲਈ ਉਨ੍ਹਾਂ ਤੋਂ ਟੈਕਸ ਹੇਵਨ 'ਤੇ ਸ਼ਿਕੰਜਾ ਕੱਸਣ ਦੀ ਉਮੀਦ ਨਹੀਂ ਕੀਤੀ ਜਾ ਸਕਦੀ।