ਜੈਸਪਰ ਵਿਚ ਐਮਰਜੈਂਸੀ ਦੀ ਸਥਿਤੀ ਨੂੰ ਰਸਮੀ ਤੌਰ 'ਤੇ ਹਟਾਇਆ ਗਿਆ

ਐਲਬਰਟਾ ਦੇ ਜੈਸਪਰ ਵਿਚ ਐਮਰਜੈਂਸੀ ਦੀ ਸਥਿਤੀ ਨੂੰ ਰਸਮੀ ਤੌਰ 'ਤੇ ਹਟਾ ਦਿੱਤਾ ਗਿਆ ਹੈ। ਜੈਸਪਰ ਦੇ ਮੇਅਰ ਰਿਚਰਡ ਆਇਰਲੈਂਡ ਨੇ ਜਾਣਕਾਰੀ ਦਿੱਤੀ ਕਿ ਐਤਵਾਰ ਤੋਂ ਇਹ ਬੰਦ ਹੋ ਗਈ ਹੈ।

ਇਸ ਦੇ ਸ਼ੋਰਟ ਟਰਮ ਰਿਕਵਰੀ ਨੂੰ ਲੌਂਗ ਟਰਮ ਵੀਊ ਵਿਚ ਬਦਲ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਐਮਰਜੈਂਸੀ ਖਤਮ ਕਰਨ ਨਾਲ ਟੂਰਿਸਟ ਇੱਥੇ ਘੁੰਮਣ ਮੁੜ ਆ ਸਕਣਗੇ। ਇਸ ਨਾਲ ਟਾਊਨ ਦੀ ਆਰਥਿਕਤਾ ਨੂੰ ਮੁੜ ਹੁਲਾਰਾ ਮਿਲ ਸਕਦਾ ਹੈ। ਦੱਸ ਦਈਏ ਕਿ ਟਾਊਨ ਵਿਚ ਨਿਵਾਸੀਆਂ ਨੂੰ ਪਿਛਲੇ ਮਹੀਨੇ ਘਰ ਵਾਪਸੀ ਲਈ ਭੇਜਿਆ ਗਿਆ ਸੀ। ਅਜੇ ਵੀ ਟੂਰਿਸਟ ਇੱਥੇ ਘੁੰਮਣ-ਫਿਰਨ ਨਹੀਂ ਆ ਸਕਦੇ। ਜੇਕਰ ਵਿਜ਼ਿਟਰਜ਼ ਮੁੜ ਇਲਾਕਿਆਂ ਵਿਚ ਆਉਂਦੇ ਹਨ ਤਾਂ ਬੇਰੁਜ਼ਗਾਰ ਬੈਠੇ ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ।

ਜੈਸਪਰ ਵਿਚ ਜੰਗਲੀ ਅੱਗ ਕਾਰਨ ਇਕ ਤਿਹਾਈ ਘਰ ਅਤੇ ਬਿਲਡਿੰਗਜ਼ ਸੜ ਚੁੱਕੀਆਂ ਹਨ, ਅਜਿਹੇ ਵਿਚ ਬਿਨਾਂ ਘਰਾਂ ਦੇ ਰਹਿਣ ਵਾਲਿਆਂ ਨੂੰ ਕਾਫੀ ਮਾਨਸਿਕ ਪਰੇਸ਼ਾਨੀ ਹੋ ਰਹੀ ਹੈ। ਹਾਲਾਂਕਿ ਕੁਝ ਕਾਰੋਬਾਰ ਮੁੜ ਖੁੱਲ੍ਹ ਗਏ ਹਨ। ਅਗਲੇ ਮੰਗਲਵਾਰ ਨੂੰ ਹੋਣ ਵਾਲੀ ਟਾਊਨ ਕੌਂਸਲ ਵਿਚ ਅਸਥਾਈ ਰਿਹਾਇਸ਼ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।