12.04C Vancouver 12.04C VancouverOct 20, 2021 8:51 PM - The Canadian Press
ਲਾਈਫਲੈਬਸ ਨਾਲ ਜੁੜੇ ਯੂਨੀਅਨ ਵਰਕਰਾਂ ਵੱਲੋਂ 72 ਘੰਟੇ ਦਾ ਹੜਤਾਲ ਦਾ ਨੋਟਿਸ ਜਾਰੀ ਕੀਤਾ ਗਿਆ ਹੈ।
ਦੱਸਿਆ ਗਿਆ ਕਿ ਕਈ ਮਹੀਨੇ ਦੀਆਂ ਨੈਗੋਸ਼ੀਏਸ਼ਨਸ ਤੋਂ ਬਾਅਦ ਹੁਣ ਵੀ ਕਈ ਮੁੱਦਿਆਂ ਨੂੰ ਹੱਲ ਨਹੀਂ ਕੀਤਾ ਜਾ ਸਕਿਆ ਹੈ।
ਇਸ ਨੂੰ ਲੈਕੇ ਬਰਗੇਨਿੰਗ ਟੇਬਲ 'ਤੇ ਵੀ 30 ਦਿਨ ਤਕ ਗੱਲਬਾਤ ਚੱਲੀ ਹੈ ਅਤੇ 8 ਦਿਨ ਤਕ ਮੀਡੀਏਸ਼ਨ ਵੀ ਜਾਰੀ ਰਹੀ।
ਲਾਈਫਲੈਬਸ ਦੇ 1,550 ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਬੀ.ਸੀ. ਜਨਰਲ ਐਂਪਲਾਈਸ ਯੂਨੀਅਨ ਦਾ ਕਹਿਣਾ ਹੈ ਕਿ ਨਿਰਪੱਖ ਅਤੇ ਸਹੀ ਵੇਜ ਵਾਧਾ ਇੱਕ ਵੱਡਾ ਮਸਲਾ ਹੈ ਜੋ ਸੁਲਝ ਨਹੀਂ ਸਕਿਆ ਹੈ।
ਇਹ ਵੀ ਦੱਸਿਆ ਗਿਆ ਕਿ ਵਰਕਰ ਅਪ੍ਰੈਲ ਤੋਂ ਬਾਅਦ ਬਿਨਾ ਕੰਟਰੈਕਟ ਦੇ ਕੰਮ ਕਰ ਰਹੇ ਹਨ।
ਲਾਈਫਲੈਬਸ ਨੇ ਆਪਣੀ ਵੈਬਸਾਈਟ 'ਤੇ ਜਾਣਕਾਰੀ ਦਿੱਤੀ ਸੀ ਕਿ ਅਹਿਮ ਮੌਨਿਟਰੀ ਪ੍ਰੋਵਿਜਨਸ 'ਤੇ ਸਹਿਮਤੀ ਬਣ ਗਈ ਸੀ ਪਰ ਅੱਜ ਯੂਨੀਅਨ ਨੇ ਤਾਜਾ ਆਫਰ ਨੂੰ ਠੁਕਰਾ ਦਿੱਤਾ ਹੈ।
